A Xefatura Territorial de Ourense da Consellería de Economía, Industria e Innovación fai público que o director xeral de Planificación Enerxética e Recursos Naturais, por delegación de competencias da conselleira de Economía, Industria e Innovación, asinou o 13 de outubro a resolución de autorización de aproveitamento lúdico das augas termais, no espazo de uso lúdico da estación termal de Outariz, cos seguintes datos:
Titular: Concello de Ourense.
Nome da sondaxe: Outariz 77.
Sección: B.
Recurso: augas termais.
Coordenadas UTM (ETRS 89) fuso 29: X: 589.147 e Y: 4.688.872.
Termo municipal: Ourense.
O que se fai público de conformidade co disposto no artigo 10 da Lei 8/2019, do 23 de decembro, de regulación do aproveitamento lúdico das augas termais de Galicia.
En cumprimento das obrigas de publicidade recollidas no artigo 29 da Lei 1/2016, do 18 de xaneiro, de transparencia e bo goberno, esta resolución poderá examinarse no Portal de transparencia da Conselleria de Economía, Industria e Innovación.
https://ceei.xunta.gal/transparencia/informacion-publica/autorizacions-administrativas/instalacions-mineiras
Ourense, 25 de outubro de 2023
Alicia Mª López Míguez
Xefa territorial de Ourense