Esta reitoría, en cumprimento do acordado polo Consello de Goberno desta universidade na sesión do día 23 de novembro de 2023, fai público que, mediante a Resolución do 30 de novembro de 2023 se convoca concurso público para a provisión das prazas de profesorado axudante doutor que se relacionan no anexo I.1 da citada resolución.

A relación de prazas convocadas e as bases completas da convocatoria poden consultarse no taboleiro electrónico da Universidade de Santiago de Compostela https://sede.usc.es/
sede/publica/taboleiro/anuncio/124358/carga.htm e na páxina web https://www.usc.gal/gl/institucional/goberno/area/xestionpersoal/PDI/convocatoriaspdi/profesora-axudante-doutora

As solicitudes deberán presentarse a través do procedemento indicado nas bases da convocatoria, no prazo de dez días hábiles contados a partir do seguinte ao da publicación deste anuncio no Diario Oficial de Galicia (DOG).

Os sucesivos anuncios referentes a esta convocatoria, segundo proceda de conformidade coas bases, publicaranse no taboleiro electrónico https://sede.usc.es/sede/publica/taboleiro/inicio.htm

Santiago de Compostela, 30 de novembro de 2023

O reitor da Universidade de Santiago de Compostela
P.D. (Resolución 21.4.2022; DOG do 26 de abril)
Ernesto González Seoane
Vicerreitor de Profesorado da Universidade de Santiago de Compostela