De acordo co previsto no artigo 116 do Regulamento do dominio público hidráulico, aprobado polo Real decreto 849/1986, do 11 de abril, publícase, para xeral coñecemento que, mediante a Resolución da Dirección de Augas de Galicia do 9 de xuño de 2023 e, como resultado do expediente incoado para o efecto, outorgouse á Comunidade de Traída e Aproveitamento de Augas do lugar de Sandá, a oportuna novación de concesión para aproveitar 443 m3 anuais de auga que procede dun manancial situado no lugar As Granxas, parroquia da Ciadella (Santa María), no concello de Sobrado dos Monxes (A Coruña), con destino a uso doméstico e gandeiro.
Santiago de Compostela, 10 de novembro de 2023
José Ángel Someso Anguita
Xefe do Servizo de Tramitación
de Autorizacións e Concesións