Tras a negociación do convenio urbanístico entre o Concello de Vilaboa e a Comunidade de Montes Veciñais en Man Común de San Martiño de Vilaboa para a modificación puntual do Plan xeral de ordenación municipal no ámbito do equipamento E-021 tanatorio, e en cumprimento do disposto no artigo 401.2 do Decreto 143/2016, do 22 de setembro, sométese o expediente a información pública polo prazo dun mes, contado desde o día seguinte ao da publicación deste anuncio, para que calquera persoa interesada poida examinar o convenio urbanístico e formular as alegacións que procedan.
Durante o período de información pública, o expediente estará á disposición do público en xeral no taboleiro de anuncios da sede electrónica do Concello de Vilaboa (https://vilaboa.sedelectronica.es/board), así como no Departamento de Urbanismo, en horario de atención ao público das 9.00 ás 14.00 horas, para a súa consulta e a presentación de cantos documentos ou escritos de alegacións xulguen convenientes.
Vilaboa, 10 de novembro de 2023
César Poza González
Alcalde