O Pleno da Corporación, na sesión ordinaria que tivo lugar o día 26 de outubro de 2023, adoptou, entre outros, o seguinte acordo:
Primeiro. Estimar o recurso de reposición interposto por A Fortaleza, As Mariñas, S.L. (B-70228606) contra o acordo plenario do 26 de maio de 2022, no cal se declaraba a caducidade do procedemento administrativo para a aprobación do Plan parcial do SUD-21, polos motivos expostos no informe xurídico do 5 de outubro de 2023 que consta no expediente, e, polo tanto, continuar a tramitación do expediente.
Segundo. Aprobar definitivamente o documento que a seguir se indica:
Expediente |
2016/PLANEAM/000003 (FG núm. 605). |
Denominación |
Plan parcial do SUD-21 – Alsina (Nós). |
Documentación |
• Plan parcial do SUD-21 – Alsina (Nós). • Estudo ambiental estratéxico. • Resumo de medidas adoptadas para o seguimento dos efectos no ambiente que resultan da aplicación do plan e un extracto deste. |
Entidade promotora |
A Fortaleza, As Mariñas, S.L. (B-70228606). |
Entidade redactora |
Arquitectos Mateo Miyar Olaiz e Gonzalo Serantes Conchado (Miyarquitectura, S.L.P. CIF B-15999238). |
Data e NRE entrada |
NRE 2023015446, do 16 de agosto (formato dixital). |
Aprobación inicial |
Decreto 2018001246, do 22 de marzo. |
Terceiro. Publicar no prazo dun mes no Diario Oficial de Galicia:
a) O acordo de aprobación definitiva do plan.
b) Indicación das medidas adoptadas para o seguimento dos efectos no ambiente da aplicación do plan (documento 15085_PP_SUD21_202306_AD_AAE_03RES).
c) Referencia ao enderezo electrónico en que figurará o contido íntegro do plan ao dispor do público e o extracto elaborado con carácter previo á aprobación do documento que inclúa os aspectos sinalados no artigo 82.2 da LSG (documento 15059_PP_SUD21_202306_AD_MX_02XUS).
O documento que conteña a normativa e as ordenanzas deberá publicarse no Boletín Oficial da provincia (documento 15059_PP_SUD21_202306_AD_NU).
Cuarto. Solicitar a inscrición do plan parcial no Rexistro de Planeamento Urbanístico de Galicia de conformidade co disposto no artigo 88 da Lei 2/2016, do 10 de febreiro, do solo de Galicia, e no capítulo X do título II do seu regulamento.
Quinto. Remitir un exemplar do documento aprobado definitivamente xunto co acordo plenario da aprobación definitiva á Dirección Xeral de Aviación Civil.
Sexto. Dilixenciar os documentos referidos no Plan parcial do SUD-21 – Alsina (Nós) e o estudo ambiental estratéxico, presentados con NRE 2023015446 do 16 de agosto (formato dixital) como documentos aprobados definitivamente, e arquivar os documentos entregados con anterioridade e que carecen de validez.
Sétimo. Publicar na web municipal o acordo de aprobación definitiva.
Oitavo. Notificar ás persoas titulares catastrais das parcelas do ámbito do plan parcial e sistemas adscritos, se os houbese.
Noveno. Notificar á entidade promotora e á redactora.
Décimo. O plan parcial é unha disposición xeral polo que contra este poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co artigo 10 da Lei 29/1998, do 13 de xullo, reguladora da xurisdición contencioso-administrativa, no prazo de dous meses, contados desde o día seguinte ao da publicación desta disposición.
O contido íntegro do plan parcial estará á disposición do público no enderezo electrónico:
www.https://www.oleiros.org/concelleria-de-interior-y-seguridad-ciudadana-econom%C3%ADa-y-hacienda-urbanismo/urbanismo/ordenacions-urbanisticas-aprobadas/en-desenvolvemento-plan-xeral-vixente/plans-parciais
Oleiros, 6 de novembro de 2023
Ángel García Seoane
Alcalde presidente