A Xunta de Goberno Local do Concello de Vigo, na sesión ordinaria do 20 de outubro de 2023, adoptou o seguinte acordo:

«Primeiro. Prestar aprobación, con carácter inicial ao proxecto expropiatorio do inmoble sito na rúa Santa Marta núm. 36 de Vigo, correspondente á actuación illada núm. 2 (AA2) da modificación puntual do Plan xeral de ordenación urbana do Concello de Vigo para a reordenación do barrio do Cura, que inclúe a documentación técnica inserida no rexistro electrónico da Xerencia Municipal de Urbanismo con data do 3.8.2023 (cód. sol.: W954410-921; doc. núm. 230263195), redactada conxuntamente pola avogada Carmen María Abuín Fernández (colexiada núm. 2942 do Colexio de Avogados de Vigo) e o arquitecto César Álvarez Arines (colexiado núm. 2295 do Colexio de Arquitectos de Galicia), do 2 de agosto de 2023, que inclúe o informe técnico de valoración elaborado polo arquitecto Germán Carballeira Martín o 23 de xaneiro de 2023 (colexiado núm. 2747 do Colexio de Arquitectos de Galicia).

Segundo. Someter á información pública o presente expediente, con toda a documentación integrante del, polo prazo dun (1) mes, mediante a publicación de cadanseu anuncio no Diario Oficial de Galicia e nun xornal dos de maior circulación da provincia, para que aquelas persoas que poidan resultar interesadas formulen as observacións e/ou reclamacións que consideren convenientes, en particular no relativo á titularidade ou valoración dos seus respectivos dereitos; o remate do referido prazo computarase desde a data da publicación do anuncio no Diario Oficial de Galicia e a secretaría xeral que ten atribuída a competencia dilixenciará a documentación exposta.

Terceiro. Notificarlles as taxacións de xeito individual a todas aquelas persoas que aparezan como titulares de bens e dereitos no expediente, mediante traslado literal das correspondentes follas de valoración e da proposta de fixación dos criterios de valoración, para que formulen as alegacións que coiden convenientes no prazo dun mes a partir da súa debida notificación.

Cuarto. O contido íntegro do proxecto inicialmente aprobado estará dispoñible no seguinte enderezo electrónico:

https://hoxe.vigo.org/movemonos/urbanismo_pxom2.php?lang=gal#/, e no portal de transparencia.

Para os efectos de dar cumprimento ao punto segundo da parte dispositiva deste acordo, a documentación íntegra aprobada inicialmente, logo de disociación dos datos persoais, de conformidade co previsto no artigo 15 da Lei 19/2013, do 9 de decembro, de transparencia, acceso á información pública e bo goberno, e na normativa sobre protección de datos persoais, poderá consultarse na seguinte ligazón: https://hoxe.vigo.org/movemonos/urbanismo_pxom2.php?lang=gal#/ na epígrafe de Xestión/execución do planeamento e no Departamento de Información de Urbanismo, sito na planta baixa do edificio da Xerencia de Urbanismo (praza do Rei, s/n, Vigo), para a súa consulta e a presentación de cantos documentos ou escritos de alegacións consideren convenientes.

* Poden poñerse en contacto co Departamento de Información de Urbanismo, para solicitar cita previa ou para resolver calquera dúbida ao respecto, no teléfono 986 81 03 49.

* Para presentar documentos ou escritos de alegacións poden solicitar, preferentemente, cita previa no Rexistro de Urbanismo, no teléfono 986 81 03 44.

Ante a eventualidade de que puideran existir interesados descoñecidos neste procedemento, se ignore o lugar de notificación ou ben, intentada esta, non se puider efectuar, a publicación do presente anuncio servirá de notificación co alcance e a finalidade previsto no artigo 44 da Lei 39/2015, do 1 de outubro, do procedemento administrativo común das administracións públicas, sen prexuízo da perceptiva publicación no Boletín Oficial del Estado.

Vigo, 30 de outubro de 2023

O alcalde
P.D. (Resolución 4.7.2023)
María José Caride Estévez
Concelleira delegada da Área de Goberno de Urbanismo e Vivenda