De acordo co previsto no artigo 116 do Regulamento do dominio público hidráulico, aprobado polo Real decreto 849/1986, do 11 de abril, publícase, para xeral coñecemento que, mediante a Resolución da Dirección de Augas de Galicia do 2 de outubro de 2023 e, como resultado do expediente incoado para o efecto, outorgouse á Comunidade de Usuarios de Auga Vixide unha concesión de 1.470 m3 anuais de auga que procede dun manancial situado no lugar da Valiña, da parroquia de San Xurxo de Vea (San Xurxo), no concello da Estrada (Pontevedra), con destino a uso doméstico.
Expediente: DH.A36.81364.
Santiago de Compostela, 24 de outubro de 2023
José Ángel Someso Anguita
Xefe do Servizo de Tramitación de Autorizacións e Concesións