A Fundación Deporte Galego, tendo en conta que nos seus fins prevé o fomento da actividade física e do deporte base e de alta competición en Galicia, pon en marcha a XV edición do Plan de patrocinio dos equipos de alta competición de Galicia. Tempada 2023/24-1ª fase.

A Fundación remitiralle un correo electrónico á entidade obxecto de patrocinio, cursando invitación para a presentación da solicitude de patrocinio xunto co texto do plan de patrocinio.

A entidade invitada a tomar parte no procedemento PR960A presentará a solicitude obrigatoriamente por medios electrónicos a través do formulario normalizado (anexo I) dispoñible na sede electrónica da Xunta de Galicia, https://sede.xunta.gal

De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos, considérase como data de presentación da solicitude aquela en que sexa realizada a emenda.

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365), habilitándose unha ligazón na Guía de procedementos e servizos co código PR960A.

O prazo máximo para a presentación das solicitudes será de 7 días naturais contados desde a propia data de recepción da invitación. A presentación das proposicións por unha vía diferente á sinalada será causa de rexeitamento ou exclusión.

As bases poderanse consultar na ligazón https://deporte.xunta.gal/gl/convocatorias/pr960a-plan-patrocinio-equipos-alta-competicion-tempada-20232024-1a-fase

Teléfono: 881 99 63 77.

Santiago de Compostela, 14 de novembro de 2023

José Ramón Lete Lasa
Presidente da Fundación Deporte Galego