Obtida a verificación do plan de estudos polo Consello de Universidades, logo de informe favorable da Axencia para a Calidade do Sistema Universitario de Galicia, así como a autorización da Comunidade Autónoma de Galicia, e establecido o carácter oficial do título polo Acordo do Consello de Ministros do 8 de marzo de 2013 (publicado no Boletín Oficial del Estado do 23 de abril pola Resolución do secretario xeral de Universidades do 2 de abril).
Con motivo da entrada en vigor do Real decreto 64/2023, do 8 de febreiro, polo que se aproba o Regulamento da Lei 34/2006, do 30 de outubro, sobre o acceso ás profesións da Avogacía e Procuradoría, realízanse as modificacións que se detallan a seguir:
– Cambio na denominación do máster universitario en Avogacía por máster universitario en Avogacía e Procuradoría.
– Modificación do plan de estudos conducente á obtención do título de máster universitario en Avogacía e Procuradoría.
A Universidade de Vigo presentou unha solicitude de modificación do plan de estudos do título oficial de máster universitario en Avogacía que obtivo o informe favorable da Axencia para a Calidade do Sistema Universitario de Galicia (ACSUG), con data do 20 de xuño de 2023, resolución favorable do Consello de Universidades con data do 18 de xullo de 2023, e implicou unha nova denominación para a titulación: máster universitario en Avogacía e Procuradoría.
O Real decreto 822/2021, do 28 de setembro, polo que se establece a organización dos ensinos universitarios e do procedemento de aseguramento da súa calidade, dispón o procedemento para a modificación substancial dos plans de estudos impartidos en centros universitarios.
Este reitorado, de conformidade co disposto no artigo 8.3 da Lei orgánica 2/2023, do sistema universitario, na redacción dada pola Lei orgánica 2/2023, resolve publicar, coas modificacións aprobadas, o plan de estudos conducente á obtención do título oficial de máster universitario en Avogacía e Procuradoría con efectos desde o curso académico 2023/24.
Vigo, 9 de novembro de 2023
Manuel Joaquín Reigosa Roger
Reitor da Universidade de Vigo
ANEXO
Máster universitario en Avogacía e Procuradoría
pola Universidade de Vigo
Código RUCT: 4313699.
Ámbito de coñecemento: Dereito e especialidades xurídicas.
Universidades participantes: Universidade de Vigo.
Cadro 1. Distribución de créditos ECTS segundo o tipo de materia.
Tipo de materia |
Créditos ECTS |
Obrigatorias |
54 |
Optativas |
0 |
Prácticas externas |
30 |
Traballo fin de máster |
6 |
Créditos totais |
90 |
Cadro 2. Contido do plan de estudos.
Materia |
Créditos ECTS |
Carácter |
Módulos |
Deontoloxía, organización profesional e quenda de oficio |
5 |
OB |
Módulo básico |
Práctica extraxudicial |
3 |
OB |
|
Práctica civil I |
7 |
OB |
Módulo civil |
Práctica civil II |
8 |
OB |
|
Práctica mercantil |
3 |
OB |
|
Práctica penal I |
6 |
OB |
Módulo penal |
Práctica penal II |
6 |
OB |
|
Práctica administrativa |
6 |
OB |
Módulo administrativo |
Práctica tributaria |
3 |
OB |
|
Práctica laboral e de seguridade social |
7 |
OB |
Módulo laboral |
Prácticas externas básicas |
6 |
OB |
Prácticas externas |
Prácticas externas |
24 |
OB |
|
Traballo de fin de máster |
6 |
OB |
Traballo de fin de máster |
Para a obtención do título de máster universitario en Avogacía e Procuradoría o alumnado deberá superar os 90 créditos ECTS de carácter obrigatorio dos que consta o máster.