De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícasellles ás persoas que a continuación se mencionan, as resolucións dos procedementos administrativos de carácter sancionador en materia de turismo por infracción administrativa grave da Lei 7/2011, do 27 de outubro, do turismo de Galicia (DOG núm. 216, do 11 de novembro), e que intentadas polos medios habituais non se puideron efectuar.

Segundo establece o artigo 46 da citada Lei 39/2015, do 1 de outubro, as persoas físicas e xurídicas interesadas dispoñen dun prazo de dez días, contados desde o seguinte ao da publicación deste anuncio no Boletín Oficial del Estado, para comparecer nas dependencias da Axencia de Turismo de Galicia, localizada na estrada de Santiago-Noia, km 3, A Barcia, concello de Santiago de Compostela, se desexa examinar o expediente e coñecer o contido íntegro deste acto. Logo de transcorrer o dito prazo de dez días sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Contra a dita resolución, que pon fin á vía administrativa, poderá formular recurso contencioso-administrativo ante o xulgado do contencioso-administrativo en cuxa circunscrición teña o seu domicilio a persoa demandante ou ante o Xulgado do Contencioso-Administrativo de Santiago de Compostela; enténdese limitada esta posibilidade de elección aos xulgados que se atopen dentro da circunscrición do Tribunal Superior de Xustiza de Galicia, no prazo de dous meses contados desde o día seguinte de finalizar o prazo de dez días antes sinalado ou ao de comparecencia do interesado, de ser o caso, de conformidade co establecido nos artigos 8.14 e 41 da Lei 29/1998, do 13 de xullo, reguladora da xurisdición contencioso-administrativa, sen prexuízo de que con carácter previo e potestativo poida formular recurso de reposición ante o titular da Axencia de Turismo de Galicia, no prazo dun mes contado desde a mesma data, de acordo co disposto nos artigos 123 e 124 da referida Lei 39/2015, do 1 de outubro.

Santiago de Compostela, 3 de novembro de 2023

José Manuel Merelles Remy
Director da Axencia de Turismo de Galicia

anexo

Número de procedemento	Interesado/a	Resolución
AC-75/2019 (RITGA-E-2019-004051)	María Luísa Barcia Lence	Caducidade
AC-43/2020 (RITGA-E-2020-004000)	Alfonso Santiso González	Caducidade
AC-14/2021 (RITGA-E-2021-000574)	Isaías González Alonso	Caducidade
AC-18/2021 (RITGA-E-2021-000891)	Gerardo Gayoso Otero	Caducidade
AC-28/2021 (RITGA-E-2021-006008)	Pedro Javier Fernández Raña	Caducidade
AC-68/2022 (RITGA-E-2022-007737)	María Isabel Rodríguez Canosa	Sanción de multa