En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:

Solicitante: I-DE Redes Eléctricas Inteligentes, S.A.U.

Domicilio social: avenida San Adrián, 48, 48003 Bilbao.

Denominación: proxecto de modificación de liña aérea de alta tensión a 132 kV San Cristovo-Trives. Treito comprendido entre os apoios núm. 17 e núm. 25.

Situación: concello da Pobra de Trives.

Características principais recollidas no proxecto:

– LMT aérea, a 132 kV, de 1.200 m de lonxitude, en condutor LA-180, con orixe no apoio existente núm. 17 da LMT San Cristovo-Trives e remate no apoio existente núm. 25 da citada LMT. Desmonte dos apoios núm. 21, 22, 23 e 24 da LMT San Cristovo-Trives.

O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.

Documentación que se expón:

1. O proxecto de execución, asinado polo enxeñeiro industrial Jesús Ángel Tajuelo Gallego, colexiado núm. 19887 do COIIM, o 19.5.2023.

2. A relación concreta e individualizada dos propietarios de bens e de dereitos afectados, que figura no anexo a este acordo.

3. Os planos parcelarios do proxecto.

O que se fai público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.

Toda a documentación poderase examinar na Xefatura Territorial da Consellería de Economía, Industria e Innovación en Ourense, rúa Curros Enríquez, núm. 1, 32003 Ourense, e na seguinte ligazón web da Consellería:

http://ceei.xunta.gal/transparencia/documentos-sometidos-a-informacion-publica

Ourense, 5 de outubro de 2023

A xefa territorial de Ourense
P.S.L. (Decreto 116/2022, artigo 41.3)
José Luis Prada Suárez
Xefe do Servizo de Industria

ANEXO

Relación de bens e dereitos afectados

Núm. de expediente: IN407A 2023/121-3.

Denominación da instalación: proxecto de modificación de liña aérea de alta tensión a 132 kV San Cristovo-Trives. Treito comprendido entre os apoios núm. 17 e núm. 25.

Concello da Pobra de Trives.

Predios			Propietarios	Afección
Núm.	Lugar	Cultivo	Nome e apelidos	Servidume (voo)
				Lonx. m	Sup. afect. m2
1	Canidoira	MT Matogueira	Ubaldino Pérez Pérez	5	60,64
4	Canidoira	MT Matogueira	Ana Diéguez Alonso	12,5	236,49
10	Couso	C-Labor ou labradío secaño	Pedro Martínez Yáñez	19,9	454,95
11	Couso	C-Labor ou labradío secaño	Longina Quintas Basado	24,1	471,12
13	Cruceiro	C-Labor ou labradío secaño	Isonina Pérez Basalo	12,3	145,96
17	Pedrin	a MT Matogueira b C-Labor ou labradío secaño	Gustavo Pérez Diéguez	33,8	512,67
18	Padreiriño	PD Prados ou pradarías	Leonardo Guerra Rodríguez	57,9	911,48
19	Padreiriño	PD Prados ou pradarías	Amando Martínez Vázquez	46,5	594,85
22	Lamas	a C-Labor ou labradío secaño b PD Prados ou pradarías	Santiago Álvarez Domínguez	213	5.977,95
23	Lamas	C-Labor ou labradío secaño	Mª del Carmen Canovas López	11,4	311,21
24	Lamas	PD Prados ou pradarías	Amando Martínez Vázquez	79	1.512,81
29	Fontelas	MT Matogueira	Manuel Domingo Pérez Pérez	25,3	120,41
31	Fontelas	E-Pastos	José Benito Pérez	34,9	1.142,09
32	Fontelas	MT Matogueira	Camilo Pérez Domínguez	18,8	620,13
33	Fontelas	E-Pastos	Herdeiros de Araceli Pérez Diéguez	11,1	358,83
35	Fontelas	PD Prados ou pradarías	Manuel Domínguez Pérez	10,5	315,86
36	Fontelas	PD Prados ou pradarías	Mª del Carmen Domínguez Pérez Fernando Domínguez Pérez	8,4	243,04
37	Cruceiro	MT Matogueira	Ramón Rodríguez	8,5	236,71
41	Cruceiro	PD Prados ou pradarías	Roberto Rivas Pérez	4,4	10,63
42	Cruceiro	PD Prados ou pradarías	Roberto Rivas Pérez	11,3	195,01
43	Cruceiro	PD Prados ou pradarías	Ramón Rodríguez	8,7	134,16
44	Cruceiro	PD Prados ou pradarías	Ramón Rodríguez	5,6	20,83
45	Cruceiro	PD Prados ou pradarías	Herdeiros de Félix Andrés Domínguez Rodríguez	13,5	176,82
46	Cruceiro	PD Prados ou pradarías	Descoñecido	2,8	29,6