Na sesión celebrada polo xurado provincial o día 9.10.2023, figura o seguinte acordo:

MVMC San Vicente (expediente 11/77), pertencente aos veciños da parroquia de San Vicente de Pena, concello de Begonte.

O 14.6.2023, o xurado acordou a revisión do esbozo deste monte por instancia da comunidade de San Vicente de Pena.

O 6.7.2023, a CMVMC San Vicente de Pena presentou un recurso de reposición contra a resolución do xurado por entender que non se axustou ao límite proposto pola comunidade no vento leste. Así mesmo, o 28.9.2023 presentaron un escrito aclaratorio do recurso, no cal indican que na emenda de documentación que lles foi requirida na tramitación do procedemento, incluíron, por erro, unha cartografía que modificaba o linde leste do monte, que se axusta novamente ao esbozo previo ao aprobado pola comunidade.

Examinado o recurso presentado, o Servizo de Montes elaborou unha nova memoria en que se recolle a revisión do esbozo co vento leste axustado á proposta aprobada pola comunidade na asemblea do 18.10.2019. A superficie resultante é de 89,18 ha.

Examinado o devandito recurso de reposición, o xurado, por unanimidade, acorda estimalo, de conformidade cos fundamentos que se recollen na correspondente resolución.

Contra esta resolución, no prazo de dous meses contados desde o día seguinte ao da súa notificación ou publicación no Diario Oficial de Galicia, poderá interpoñerse recurso contencioso-administrativo perante o Xulgado do Contencioso-Administrativo de Lugo, de conformidade co artigo 46 da Lei 29/1998, do 13 de xullo, da xurisdición contencioso-administrativa.

Lugo, 30 de outubro de 2023

Mª Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo