Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o Xurado, na reunión que tivo lugar o 17.9.2012, acordou solicitar, ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.
En relación con isto, na sesión realizada polo Xurado Provincial o día 9.10.2023 figuran os seguintes acordos:
– MVMC Cornide e Veliñas (exp. 50/75), pertencente aos veciños da parroquia de Barxa de Lor, concello da Pobra do Brollón.
O 10.12.2021 tivo entrada unha solicitude da Comunidade de Barxa de Lor para que se revise o esbozo do seu monte veciñal conforme a proposta que achegan. O 23.8.2023 a solicitude foi mellorada de acordo co requirimento que lles foi enviado.
O 29.8.2023 o Servizo de Montes elaborou unha memoria co novo esbozo (2021_46) na cal se recolle que a superficie do monte de Cornide e Veliñas pasa a ser de 164,25 ha.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo I, ao final deste anuncio.
– MVMC Salgueiros (exp. 77/76), pertencente aos veciños do lugar de Salgueiros, na parroquia de Berbetouros, no concello de Palas de Rei.
O 7.1.2022 e o 1.6.2022 tiveron entrada dúas solicitudes da Comunidade de Salgueiros para que se revise o esbozo do seu monte veciñal conforme a proposta que achegan.
O 2.8.2023 o Concello de Palas de Rei presentou un escrito de alegacións respecto da parcela catastral 9008 do polígono 119, da cal é titular, onde manifesta que se trata dun camiño público do Catálogo de bens municipais, polo que debe respectarse a súa titularidade.
O 28.9.2023 o Servizo de Montes elaborou unha proposta co novo esbozo (2022_27), na cal tivo en conta as alegacións presentadas polo concello e na cal se recolle que a superficie do monte de Salgueiros pasa a ser de 31,82 ha.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo II, ao final deste anuncio.
– MVMC Campa e Ferreiriños (exp. 122/75), pertencente aos veciños de Arxubín e Barxa, na parroquia do Hospital, no concello de Quiroga.
O 23.9.2022 tivo entrada unha solicitude da comunidade de Arxubín e Barxa para que revise o esbozo do seu monte veciñal conforme a proposta que achegan. Tras os requirimentos oportunos, os días 10.5.2023 e 16.6.2023 presentaron as emendas de solicitude correspondentes.
O 30.6.2023 o Servizo de Montes elaborou unha proposta de novo esbozo (2022_112) na cal se recolle que a superficie do monte de Campa e Ferreiriños pasa a ser de 539,61 ha.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo III, ao final deste anuncio.
– MVMC Prados (exp. 11/81), pertencente aos veciños do lugar de Prados, na parroquia de Cereixedo, no concello de Cervantes.
O 27.9.2022 tivo entrada unha solicitude da Comunidade de Prados para que se revise o esbozo do seu monte veciñal conforme a proposta que achegan. O 22.9.2023 a solicitude foi mellorada tras o requirimento oportuno.
O 25.9.2023 o Servizo de Montes elaborou unha proposta de novo esbozo (2022_151) na cal se recolle que a superficie do monte de Prados pasa a ser de 206,03 ha.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo IV, ao final deste anuncio.
– MVMC Serra de Férveda, Marco e Pedreda (exp. 30/78), pertencente aos veciños da parroquia de Tórdea, no concello de Castroverde.
O 5.9.2022 tivo entrada unha solicitude da Comunidade de Pedrafita (mellorada o 21.9.2023) para que se revise o esbozo do monte veciñal, conforme a proposta que achegan.
O 27.9.2023 o Servizo de Montes elaborou unha proposta de novo esbozo (2022_65) na cal se recolle que a superficie do monte de Serra de Férveda, Marco e Pedreda pasa a ser de 109,97 ha.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo V, ao final deste anuncio.
– MVMC Brancio e Candelos (exp. 15/81), pertencente aos veciños de Brancio e Candelos, da parroquia de San Martín de Arroxo, no concello da Fonsagrada.
O 29.9.2022 tivo entrada unha solicitude da Comunidade de Brancio e Candelos para que se revise o esbozo do monte veciñal, conforme a proposta que achegan.
O 29.9.2023 o Servizo de Montes elaborou un informe en que se fai referencia diferenciada a dúas parcelas catastrais afectadas pola revisión, coas seguintes indicacións:
– Parcela 27018A32700027 (a nome dun particular): desta parcela incorpórase ao monte unha pequena parte dela porque o resto xa estaba clasificado.
– Parcela 27018A29800115 (a nome de MVMC Ervellais): déuselle trámite de audiencia á CMVMC Ervellais e non presentaron alegacións. Así mesmo, esta parcela quedou definida polo deslindamento acordado entre as comunidades (Ervellais con Brancio e Candelo) respecto á liña que divide os seus montes.
O informe inclúe unha proposta de novo esbozo (2022_260) en que se recolle que a superficie do monte de Brancio e Candelos pasa a ser de 139,31 ha.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo VI, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interporse recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 26 de outubro de 2023
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
ANEXO I. Esbozo do MVMC Cornide e Veliñas (A Pobra do Brollón).
ANEXO II. Esbozo do MVMC Salgueiros (Palas de Rei).
ANEXO III. Esbozo do MVMC Campa e Ferreiriños (Quiroga).
ANEXO IV. Esbozo do MVMC Prados (Cervantes).
ANEXO V. Esbozo do MVMC Serra de Férveda, Marco e Pedreda (Castroverde).
ANEXO VI. Esbozo do MVMC Brancio e Candelos (A Fonsagrada).