BDNS (Identif.): 700002.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (http://www.pap.minhap.gob.es/bdnstrans/index).
Primeiro. Entidades beneficiarias
As persoas beneficiarias, ao abeiro desta modificación, son as entidades previstas na Orde do 19 de maio de 2023 pola que se regulan as bases que rexerán o procedemento de concesión de axudas a entidades privadas para o fomento da gratuidade da atención educativa dos nenos e nenas da Comunidade Autónoma de Galicia en escolas infantís 0-3 para o curso 2023/24 e se procede á súa convocatoria (código de procedemento BS420C).
Segundo. Obxecto e finalidade
A presente modificación ten por obxecto concretar os meses efectivos da gratuidade da atención educativa establecidos na Orde do 19 de maio de 2023, mantendo o máximo de 11 meses por curso e excluíndo o mes de agosto; incrementar o crédito en 660.000 € na anualidade de 2023 e en 1.155.000 € na anualidade de 2024 na aplicación orzamentaria 13.02.312B.470.2, facilitarlles o acceso a esta convocatoria de axudas a aquelas entidades cuxos prezos se sitúan por debaixo dos topes previstos nela e adiantar o prazo de xustificación.
Terceiro. Bases reguladoras
Orde do 19 de maio de 2023 pola que se regulan as bases que rexerán o procedemento de concesión de axudas a entidades privadas para o fomento da gratuidade da atención educativa dos nenos e nenas da Comunidade Autónoma de Galicia en escolas infantís 0-3 para o curso 2023/24 e se procede á súa convocatoria (código de procedemento BS420C).
Cuarto. Financiamento
En virtude do incremento do crédito, ás axudas obxecto desta convocatoria destínase un orzamento total de 43.285.939 euros, coa seguinte desagregación:
Aplicación orzamentaria |
Código de proxecto |
Ano 2023 |
Ano 2024 |
Total |
13.02.312B.470.2 |
2020.00052 |
11.395.576 € |
19.942.260 € |
31.337.836 € |
13.02.312B.481.3 |
2020.00052 |
4.344.765 € |
7.603.338 € |
11.948.103 € |
Total |
15.740.341 € |
27.545.598 € |
43.285.939 € |
Quinto. Tipos de axuda e contía
1. A convocatoria comprende unha liña de axudas destinada a compensar a aplicación da bonificación do 100 % do prezo da atención educativa na contía do prezo mensual que lle correspondera aboar á familia segundo as tarifas establecidas polas horas de asistencia do neno ou nena ata un máximo de 329 euros/mes por praza a xornada completa, excluído o mes de vacacións do neno ou nena.
2. As axudas calcularanse en función das tarifas da escola infantil no curso 2023/24, as cales poderán incrementarse respecto das do curso anterior ata un 7,5 %, sen superar o tope de 329 euros por atención educativa no cal está incluída a parte proporcional da matrícula. No caso de escolas infantís cuxo prezo por xornada completa unha vez realizado o incremento do 7,5 % indicado resultar inferior a 200 euros, poderán realizar un incremento de ata o dito prezo de 200 euros. O cálculo deste importe obterase multiplicando 11 mensualidades, como máximo, polo número de prazas ocupadas na escola infantil na data do 1 de xuño de 2023 e polas tarifas correspondentes.
Sexto. Prazo de presentación de solicitudes
En virtude da modificación, ábrese o prazo de presentación de solicitudes, que será dun mes contado a partir do día seguinte ao da publicación desta orde no Diario Oficial de Galicia.
As solicitudes presentadas segundo o establecido no parágrafo anterior tramitaranse de acordo coas bases establecidas na Orde do 19 de maio de 2023 pola que se regulan as bases que rexerán o procedemento de concesión de axudas a entidades privadas para o fomento da gratuidade da atención educativa dos nenos e das nenas da Comunidade Autónoma de Galicia en escolas infantís 0-3 para o curso 2023/24 e se procede á súa convocatoria (código de procedemento BS420C).
Santiago de Compostela, 2 de novembro de 2023
Fabiola García Martínez
Conselleira de Política Social e Xuventude