Na sesión celebrada polo xurado provincial o día 9.10.2023 figura o seguinte acordo:
MVMC Pedrafita (expediente 36/75), pertencente aos veciños da parroquia de Pedrafita, concello de Guitiriz.
O 14.6.2023, o xurado ditou resolución pola que aprobou a revisión do esbozo do MVMC Pedrafita por instancia da comunidade propietaria.
Contra este acordo presentáronse os seguintes recursos:
− 12.7.2023. Federico Yáñez Ulla alega que os actuais recintos f e g da parcela catastral 33 do polígono 327 son de titularidade particular. Achega nota simple da súa inscrición no Rexistro da Propiedade de Vilalba como parcela 36 do mesmo polígono.
− 21.7.2023. A CMVMC de Pedrafita expón o seu desacordo coa resolución, debido a que deixa fóra do monte a parcela denominada Campo, correspondente ás subparcelas aa e parte da ab da parcela 2 do polígono 369. Alega que o predio non está suficientemente identificado na documental achegada e reclaman a súa propiedade, por entender que está acreditada a súa natureza veciñal.
− 27.7.2023. Cristina González Fernández manifesta ser propietaria da subparcela h da parcela 13 do polígono 326. Para xustificar a propiedade presenta unha executoria xudicial da Audiencia Provincial de Lugo e unha escritura de doazón. Así mesmo, presenta un informe do Servizo de Montes sobre a localización da parcela respecto do perímetro do MVMC.
− 7.8.2023. Julia Ramil Piñeiro e dúas persoas máis alegan seren propietarias dunha superficie de 40.568 m² de acordo cunha certificación catastral do 4.7.2023, correspondente á parcela 21 do polígono 363 de Guitiriz. Porén, os terreos que solicitan que se exclúan do esbozo coinciden cos terreos que forman as subparcelas a, b e d da actual parcela 14 do polígono 363. Para xustificar a propiedade presentan unha escritura de aceptación e adxudicación parcial de herdanza.
− 7.8.2023. Carmen e Mª Angelina Río Iglesias, e dúas persoas máis, alegan seren propietarias dunha superficie de 43.817 m² que conforma un todo unido delimitado por unha gabia e fitos. Sería o terreo identificado na parcela 4 do polígono 363, segundo a certificación catastral gráfica emitida o 4.7.2023. Porén, os terreos que solicitan que se exclúan do esbozo coincidirían coas subparcelas f, i e h da parcela 14 do polígono 363. Para xustificar a propiedade presentan unha escritura de aceptación e adxudicación parcial de herdanza, así como un testamento de 1988.
Examinados o devanditos recursos de reposición, o xurado, por unanimidade, acorda estimar o recurso presentado por Federico Yáñez Ulla e desestimar os recursos presentados polos demais recorrentes, de conformidade cos fundamentos que se recollen na correspondente resolución.
Contra esta resolución poderá interpoñerse recurso contencioso-administrativo perante o Xulgado do Contencioso-Administrativo de Lugo, no prazo de dous meses contados dende o día seguinte ao da súa notificación ou publicación no Diario Oficial de Galicia, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Lugo, 26 de outubro de 2023
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo