De conformidade co establecido no artigo 55 da Lei 1/2021, do 8 de xaneiro, de ordenación do territorio de Galicia, sométese a información pública, durante o prazo dun mes, contado a partir da publicación deste anuncio no Diario Oficial de Galicia e no Boletín Oficial da provincia de Pontevedra, a aprobación inicial do Proxecto de interese autonómico do parque empresarial Bueu-Castiñeiras, ampliación.
Durante o prazo referido, calquera persoa poderá examinar a devandita documentación no Portal de transparencia e Goberno aberto da Xunta de Galicia e presentar ante o Instituto Galego da Vivenda e Solo as alegacións, documentos e xustificacións que considere pertinentes.
Santiago de Compostela, 2 de novembro de 2023
Heriberto García Porto
Director xeral do Instituto Galego da Vivenda e Solo