No expediente que figura no anexo, e sendo imposible a notificación, ben por seren os interesados/as descoñecidos/as, ben por ignorar o lugar ou medio para levala a cabo ou ben non podéndose practicar logo do intento nos termos legais. De conformidade co artigo 44 da Lei 39/2015 do procedemento administrativo común das administracións públicas, procédese á publicación substitutoria da notificación mediante a inserción deste anuncio no taboleiro de edictos único do Boletín Oficial del Estado.
A presente resolución de apertura de expediente de orde de execución é un acto de trámite non susceptible de recurso. O/a interesado/a poderá consultar o expediente no Concello de Sobrado (praza Portal, 1, 15813 Sobrado, A Coruña) e realizar as alegacións que considere oportunas no prazo de 10 días desde a recepción deste.
En caso de persistencia do incumprimento despois do transcurso do prazo outorgado, para que se limpe o soar, procederase á execución subsidiaria sen máis trámites, considerando a obrigación legal da persoa titular do terreo ou do dereito de aproveitamento deste de facilitarlle o acceso ao suxeito que realice os traballos de execución subsidiaria e a facultade deste último de acceder sen necesidade de consentimento da persoa titular, excepto naqueles supostos excepcionais en que o acceso afecte, dentro da parcela, espazos físicos susceptibles de merecer a cualificación de domicilio para os efectos do artigo 18.2 da Constitución.
Sobrado, 17 de outubro de 2023
Luis Lisardo Santos Ares
Alcalde
ANEXO
Expediente: orde de execución (2022/X999/000110).
Acto que se notifica: resolución da Alcaldía que inicia expediente de orde de execución en materia de limpeza de terreos e soares e de protección contra incendios forestais en Sobrado (A Coruña).
Interesados/as: herdeiros de Carmen López Rábade.
Ref. catastral 002008300NH76F0001RW.