O 24 de novembro de 2022, a dirección de Augas de Galicia ditou acordo de incoación do expediente de extinción por caducidade da concesión outorgada o 31 de maio de 1958 para o aproveitamento dun caudal de 2200 l/s no río Ulla, con destino á produción de forza motriz para a obtención de enerxía eléctrica e para o accionamento dun muíño fariñeiro, así como pola interrupción permanente da explotación por máis de tres anos consecutivos por causas imputables ao titular concesional.
Realizados todos os trámites regulamentarios, e despois de emitir o informe que indica o artigo 165.3 do Real decreto 849/1986, do 11 de abril, polo que se aproba o Regulamento do dominio público hidráulico, procédese de conformidade co artigo 165.4 da mesma norma, previamente á emisión da resolución deste procedemento, á apertura do trámite de audiencia no expediente co obxecto de que os que se consideren interesados poidan alegar canto ao seu dereito conveña e presentar os documentos ou xustificacións que xulguen pertinentes a través da sede electrónica da Xunta de Galicia (https://sede.xunta.gal), e indicarán no destino a Consellería de Infraestruturas e Mobilidade, Augas de Galicia.
Posto que se descoñecen os datos dos titulares do dereito que se están a extinguir, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (en diante, LPAC), notifícase o dito trámite, para que, en cumprimento do artigo 46 da LPAC, os interesados comparezan no prazo de 15 días hábiles, contados desde o seguinte ao da publicación deste anuncio no TEU do Boletín Oficial del Estado, nas oficinas de Augas de Galicia situadas na rúa Tomiño, 16, baixo, 15781 en Santiago de Compostela, das 9.00 ás 14.00 horas, de luns a venres, para o coñecemento íntegro dos documentos que conforman o expediente e constancia de tal coñecemento. Durante este mesmo prazo poderán formular as alegacións e achegar as probas que consideren oportuno.
Transcorrido o dito prazo sen se efectuar a comparecencia, a notificación entenderase producida desde o día seguinte ao da publicación deste anuncio no TEU do Boletín Oficial del Estado.
Santiago de Compostela, 20 de outubro de 2023
Roberto Arias Sánchez
Comisario de Augas