De conformidade coa proposta elevada polas comisións nomeadas para xulgar o concurso para a provisión de prazas dos corpos docentes universitarios, convocados mediante a Resolución desta universidade, do 5 de maio de 2023 (BOE do 17 de maio), e presentada polas persoas interesadas a documentación a que fai referencia a base novena da convocatoria.

Esta reitoría, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar o nomeamento das persoas que se relacionan no anexo.

Os citados nomeamentos producirán efectos a partir da correspondente toma de posesión polas persoas interesadas, que se deberá efectuar no prazo máximo de vinte (20) días contados desde o día seguinte ao da publicación desta resolución no Boletín Oficial del Estado.

Contra esta resolución, que pon fin á vía administrativa, poderase interpoñer recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición, no prazo dun mes, ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 13 de outubro de 2023

Antonio López Díaz
Reitor da Universidade de Santiago de Compostela

ANEXO

Nº concurso	Nome	Apelidos	DNI	Corpo docente	Área de coñecemento	Departamento	Localidade	Código praza
51C/23	Óscar Javier	Cordero Santamaría	***6715**	Catedráticas e catedráticos de universidade	Bioquímica e Bioloxía Molecular	Bioquímica e Bioloxía Molecular	Santiago de Compostela	A00728
65C/23	Beatriz Loreto	Prieto Lamas	***6711**	Catedráticas e catedráticos de universidade	Edafoloxía e Química Agrícola	Edafoloxía e Química Agrícola	Santiago de Compostela	A00741
88C/23	Víctor Manuel	Longa Martínez	***7046**	Catedráticas e catedráticos de universidade	Lingüística Xeral	Lingua e Literatura Españolas, Teoría da Literatura e Lingüística Xeral	Santiago de Compostela	A00764
92C/23	María Ángeles	López Cabarcos	***1341**	Catedráticas e catedráticos de universidade	Organización de Empresas	Organización de Empresas e Comercialización	Lugo	A00768
93C/23	Adriana	Gewerc Barujel	***5729**	Catedráticas e catedráticos de universidade	Didáctica e Organización Escolar	Pedagoxía e Didáctica	Santiago de Compostela	A00769