En virtude das competencias que me corresponden de acordo ao artigo 10 do Regulamento de réxime interior do Consello de Contas,

RESOLVO:

Facer público o Acordo do 3 de outubro de 2023, da Comisión de Goberno do Consello de Contas de Galicia, polo que se resolve a convocatoria para a provisión, polo sistema de libre designación, dun posto de traballo vacante.

Santiago de Compostela, 5 de outubro de 2023

Juan Carlos Aladro Fernández
Conselleiro maior do Consello de Contas de Galicia

Acordo do 3 de outubro de 2023, da Comisión de Goberno do Consello de Contas de Galicia, pola que se resolve a convocatoria para a provisión, polo sistema de libre designación, dun posto de traballo vacante

Convocada a provisión, polo sistema de libre designación, dun posto de traballo vacante no Consello de Contas de Galicia e publicada no Diario Oficial de Galicia nº 138, do 20 de xullo de 2023, a Comisión de Goberno da Institución na súa reunión do 3 de outubro de 2023 e no uso das facultades conferidas polo artigo 9.2.c) da Lei 6/1985, do 24 de xuño, do Consello de Contas,

ACORDOU:

Primeiro. Adxudicar destino, no posto de traballo que se indica, á funcionaria que se expresa no anexo deste acordo, seleccionada conforme o establecido nas bases da convocatoria.

Segundo. O cesamento no actual destino da funcionaria que obtivo a praza efectuarase no prazo de tres días hábiles, contados a partir do seguinte ao da data de publicación deste acordo no Diario Oficial de Galicia.

O prazo para a toma de posesión do novo destino será de tres días hábiles a partir do seguinte ao do cesamento se non implica cambio de residencia ou de sete días hábiles se comporta cambio de residencia. Cando a persoa adxudicataria do posto obteña coa súa toma de posesión o reingreso ao servizo activo, o prazo será dun mes, de conformidade co establecido no artigo 8.1 do Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, aprobado polo Decreto 151/2022, do 4 de agosto.

O cómputo dos prazos posesorios iniciarase cando finalicen os permisos ou licenzas que, de ser o caso, fosen concedidos á persoa interesada. Nos supostos de incapacidade temporal, o cómputo do prazo iniciarase a partir da correspondente alta.

Terceiro. A toma de posesión realizada dentro do prazo referido, dilixenciarase e tramitarase conforme as disposicións que regulan a materia.

Cuarto. Contra este acordo, que non esgota a vía administrativa, poderase interpoñer recurso de alzada ante o Pleno do Consello no prazo dun mes contado desde o día seguinte ao da súa notificación, segundo establecen os artigos 121 e 122 da Lei 39/2015, do 1 de outubro, do procedemento administrativo común das administracións públicas. Contra a resolución do recurso de alzada, que esgota a vía administrativa, poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses desde o día seguinte ao da súa notificación, de conformidade co establecido nos artigos 10.1.ap.c e 46.1 da Lei 29/1998, do 13 de xullo, reguladora da xurisdición contencioso-administrativa.

ANEXO

Apelidos e nome: Pérez Vázquez, María.

DNI: ***9692**.

Subgrupo: A1.

Corpo/escala: corpo de funcionarios de Administración local (habilitación nacional), subescala de Secretaría Intervención.

Posto de traballo: auditora-directora técnica.

Código do posto: CC.F01.02.01.

Nivel: 30.

Localidade: Santiago de Compostela.