Mediante a Resolución reitoral do 25 de agosto de 2023 (DOG do 6 de setembro), convocáronse probas selectivas para cubrir seis prazas da escala facultativa de arquivos, bibliotecas e museos, especialidade bibliotecas e especialidade arquivos, subgrupo A1, pola quenda de promoción interna. Finalizado o prazo de presentación de solicitudes,
RESOLVO:
Primeiro. Declarar aprobada e facer pública a listaxe provisional de persoas admitidas e excluídas ás citadas probas.
Segundo. Indicar que a citada listaxe provisional está exposta no taboleiro electrónico da USC e na web:
https://www.usc.gal/gl/institucional/goberno/area/xestionpersoal/PAS/oep/listado
Terceiro. As persoas aspirantes excluídas ou que non figuren na relación de admitidas dispoñen dun prazo de dez días hábiles, contados a partir do seguinte ao da publicación desta resolución no Diario Oficial de Galicia, para poder emendar os defectos que motivaron a exclusión ou a omisión.
Cuarto. Para emendar a exclusión ou omisión cubrirase o formulario de emendas do catálogo de procedementos na seguinte ligazón:
https://sede.usc.es/formularios/solicitudes/emendaSelecPersoalFuncionario.htm
Quinto. As persoas aspirantes que, dentro do prazo sinalado, non emenden a exclusión ou aleguen a omisión, xustificando o dereito a ser incluídas na relación de persoas admitidas, serán definitivamente excluídas da realización das probas.
Sexto. Nomear, en aplicación da base 5.1 da convocatoria, o tribunal do proceso selectivo. Estará composto polas seguintes persoas:
Tribunal titular:
Presidenta:
– María Isabel Casal Reyes, funcionaria de carreira da escala facultativa de arquivos e bibliotecas da USC.
Vogais:
– Desirée María Domínguez Pallas, funcionaria de carreira da escala facultativa de arquivos e bibliotecas (especialidade arquivos) da USC.
– José Rodríguez Dopazo, funcionario de carreira da escala facultativa de arquivos, bibliotecas e museos (especialidade bibliotecas) da USC.
– M. Lourdes Pérez González, funcionaria de carreira da escala facultativa de arquivos, bibliotecas e museos (especialidade bibliotecas) da USC.
Secretario:
– Alberto Mariño Ruza, funcionario de carreira da escala técnica superior da administración da USC, que actuará con voz e voto.
Tribunal suplente:
Presidenta:
– Ana González da Costa, funcionaria de carreira da escala facultativa de arquivos e bibliotecas da USC.
Vogais:
– Gerardo Marraud González, funcionario de carreira da escala facultativa de arquivos, bibliotecas e museos da Universidade de Vigo.
– Elena Rey Sierra, funcionaria de carreira da escala facultativa de arquivos, bibliotecas e museos, especialidade bibliotecas, da Universidade de Santiago de Compostela.
– Cristina González Novoa, funcionaria de carreira da escala facultativa de arquivos, bibliotecas e museos, da Universidade da Coruña.
Secretaria:
– Silvia M. Moreira Figueiras, funcionaria de carreira da escala técnica superior da administración da USC, que actuará con voz e voto.
Santiago de Compostela, 29 de setembro de 2023
Antonio López Díaz
Reitor da Universidade de Santiago de Compostela