O artigo 49.4 da Lei 1/2016, do 18 de xaneiro, de transparencia e bo goberno, establece a obriga de todos os cargos públicos incluídos no seu ámbito de aplicación, definido no artigo 37, de cubrir unha declaración comprensiva da súa situación patrimonial. Os altos cargos do Consello de Contas de Galicia, por remisión do artigo 12.7 da Lei 6/1985, do 24 de xuño, do Consello de Contas de Galicia, atópanse incluídos na mesma obriga, debendo facelo no modelo que aprobe o Pleno da Institución.

Esta declaración deberá ser presentada no Rexistro de Bens Patrimoniais no prazo dos tres meses seguintes á data de toma de posesión e de cesamento, respectivamente, para a súa publicación no Diario Oficial de Galicia.

O Pleno do Consello de Contas de Galicia, na súa sesión do 27 de xaneiro de 2016, aprobou como anexos I, II, III e IV os modelos oficiais de declaracións que deben formular os altos cargos incluídos no ámbito de aplicación da Lei 1/2016, do 18 de xaneiro, de transparencia e bo goberno (DOG núm. 44, do 4 de marzo).

En virtude do Acordo do Pleno do Parlamento de Galicia do 28 de xullo de 2023, foi nomeado membro do Consello de Contas de Galicia Juan Carlos Aladro Fernández, que tomou posesión do cargo o 2 de agosto de 2023, e presentou no prazo normativo previsto o anexo IV, Contido da declaración de bens patrimoniais, para a súa publicación no Diario Oficial de Galicia, no Rexistro de Bens Patrimoniais de Altos Cargos do Consello de Contas de Galicia.

Procede, en consecuencia, dar publicidade ao contido do anexo presentado para tal efecto, comprensivo da situación patrimonial que declara no momento do seu nomeamento, e que se publica como anexo a este anuncio.

Tal e como consta no referido modelo anexo IV:

1. Non se inclúen os seguros de vida.

2. No suposto de bens indivisos, indícase o valor que corresponde segundo a porcentaxe de participación do declarante no ben ou dereito patrimonial.

Santiago de Compostela, 26 de setembro de 2023

Juan Carlos Aladro Fernández
Conselleiro maior

ANEXO

Declaración por nomeamento

Titular do cargo: Juan Carlos Aladro Fernández.

Cargo público que ocupa a persoa declarante: conselleiro maior.

Motivo da declaración: toma de posesión.

Declaración de bens:

I. Activo:

a. Bens inmobles (segundo o seu valor catastral): 90.698,93 € (50 %).

b. Valor total doutros bens: 118.700,00 €.

II. Pasivo (créditos, préstamos, débedas, etc.).