De conformidade co establecido no artigo 55 da Lei 1/2021, do 8 de xaneiro, de ordenación do territorio de Galicia, foi sometido a información pública o Proxecto de interese autonómico para a ampliación do parque empresarial de Palas de Rei (fase III), Lugo, mediante o Anuncio do 13 de abril de 2022 (DOG núm. 86, do 4 de maio, e BOP núm. 161, do 15 de xullo).
Nese trámite, e dando resposta aos informes emitidos, foi necesario desenvolver medidas para a reforma do acceso ao parque. Ao afectar novos terreos que discorren por este tramo da estrada, notificóuselles individualmente a todas as persoas titulares catastrais.
Ao non poderse realizar a notificación persoal ás persoas titulares das parcelas relacionadas no anexo, mediante este anuncio, e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles o dito trámite por medio dun anuncio no Boletín Oficial del Estado. O prazo previsto para a súa presentación contarase desde o día seguinte ao da publicación deste anuncio no Boletín Oficial del Estado.
De acordo co establecido no artigo 27 da Lei 1/2016, do 18 de xaneiro, de transparencia e bo goberno, e no artigo 19 da Lei 19/2013, do 9 de decembro, de transparencia, acceso á información pública e bo goberno, dado que o acceso á información solicitada pode afectar dereitos ou intereses de terceiros, concederáselles un prazo de quince (15) días hábiles para que poidan realizar as alegacións que consideren oportunas, e producirase a suspensión do prazo para resolver ata que se reciban as alegacións ou transcorra o prazo concedido para a súa presentación.
Santiago de Compostela, 19 de setembro de 2023
Heriberto García Porto
Director xeral do Instituto Galego da Vivenda e Solo
ANEXO
Referencia catastral |
Persoa/s que serán notificadas |
27040A00100013 |
Manuel Pereiro Orozco |
1875603NH9417N |
Mª del Rosario Vázquez García |