Resolución da Alcaldía nº 924/2023, do 8 de setembro de 2023, en que se inicia expediente para a execución subsidiaria do plan de prevención de incendios en dous predios do Carrizal e de Soutullo.
Antecedentes:
Iníciase expediente de biomasa para a parcela 8605322NH1880N o 20.10.2022 con informe da Policía Local do 31.10.2022 (expediente 2023/X999/000944), neste caso, aínda que consta titular no Catastro, non constan máis datos para poder realizar as notificacións correspondentes. A Policía Local procede a informar do estado actual o día 12.6.2023.
Iníciase expediente de biomasa para a parcela 15029A063003420000DF o 3.7.2023 con informe da Policía Local do 31.7.2023 (expediente 2023/X999/000178), e procédese a notificar a Antonio Caamaño Carracedo. Por rexistro de entrada nº 202300000002886 do día 6.9.2023 recibimos declaración da herdeira María Pilar Caamaño Gándara en que fai constar que non son propietarios, polo tanto, o dito predio queda en investigación.
Ref. catastral |
Titulares |
Localización |
Metros |
Liquidación provisional |
8605322NH1880N0001IU |
Herdeiros José Duarte Pena |
Lg. Carrizal |
1.057 m2 |
1.103,30 € |
15029A063003420000DF |
Descoñecido |
Lg. Soutullo |
608 m2 |
634,58 € |
E de conformidade co disposto no artigo 22.3 da Lei 3/2007, do 9 abril, de prevención e defensa contra os incendios forestais en Galicia, e tendo intentando as notificacións ás persoas responsables, sen que fose posible efectualas por causas non imputables ao Concello de Coristanco, e dado o incumprimento por parte das persoas responsables que a continuación se indican da obriga da xestión da biomasa e da retirada de especies arbóreas prohibidas en relación coas parcelas que se describen, imposta no artigo 22.1 da Lei 3/2007, do 9 de abril, de prevención e defensa contra os incendios forestais de Galicia.
Que no artigo 44 da Lei 39/2015, do 1 de outubro, do procedemento administrativo común das administracións públicas, establece que «cando os interesados no procedemento sexan descoñecidos, se ignore o lugar da notificación ou ben, cando, intentada esta, non se puidese efectuar, a notificación farase por medio dun anuncio publicado no Boletín Oficial del Estado».
De acordo co previsto nos artigos 21 e seguintes da Lei 3/2007, de prevención de incendios de Galicia; 135 e seguintes da Lei 2/2016, do solo de Galicia, e 21.1 da Lei 7/1985, do 2 de abril, reguladora das bases de réxime local,
RESOLVO:
Primeiro. Outorgar aos titulares afectados un prazo de audiencia de 15 días, para que aleguen e presenten os documentos e xustificacións que consideren convenientes ao seu dereito. Para tales efectos, poderán consultar o expediente administrativo instruído e obter a información necesaria para os efectos dunha maior defensa dos seus intereses, de conformidade co previsto na Lei 39/2015, do 1 de outubro, do procedemento administrativo común das administracións públicas.
Segundo. Ordenar a publicación desta resolución no Boletín Oficial del Estado, no Diario Oficial de Galicia e no taboleiro da sede electrónica do Concello, para o seu coñecemento.
Terceiro. O cómputo dos prazos comezarán a contar a partir do día seguinte ao da publicación no Boletín Oficial del Estado.
Coristanco, 8 de setembro de 2023
Juan Carlos García Pose
Alcalde