Aprobación definitiva da modificación puntual da normativa urbanística do Plan parcial SUD-11 (expediente 2022/PLANEAM/000015-FG nº 702),
Mediante o Acordo do Pleno do 27 de xullo de 2023, aprobouse definitivamente a modificación puntual da normativa urbanística do Plan parcial SUD-11 Dorneda-campo de golf para a incorporación de usos permitidos e compatibles dentro do uso global terciario (documento R.E. nº 2023001127, do 24.1.2023).
Segundo a Resolución do 14.10.2022, da Dirección Xeral de Calidade Ambiental, Sostibilidade e Cambio Climático, a modificación puntual abrangue un conxunto de modificacións menores do plan parcial aprobado que non constitúen variacións fundamentais das estratexias, directrices e propostas formuladas, nin producen diferenzas nas características dos efectos previstos nin da zona de influencia. Polo que, de acordo cos criterios establecidos no anexo II da Lei 9/2006, do 28 de abril, non se prevén efectos ambientais significativos.
Así mesmo, o documento aprobado definitivamente pode consultarse na páxina web do Concello https://www.oleiros.org/concelleria-de-interior-y-seguridad-ciudadana-econom%C3%ADa-y-hacienda-urbanismo/urbanismo/ordenacions-urbanisticas-aprobadas/en-desenvolvemento-plan-xeral-vixente/plans-parciais/-/asset_publisher/RG2D81ErOkT7/content/id/267011
O que se fai público para a súa executividade e indícase que contra a aprobación definitiva do proxecto de modificación puntual poderá interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de 2 meses contado desde o día seguinte ao da súa publicación (artigos 10 e 46 da Lei 29/1998). Todo iso sen prexuízo de interpor calquera outro recurso que se entenda máis procedente e sexa conforme a dereito.
Oleiros, 2 de agosto de 2023
Ángel García Seoane
Alcalde presidente