De conformidade co disposto nos artigos 44 e 46 da Lei 39/2015 (BOE núm. 236, do 2 de outubro), do procedemento administrativo común das administracións públicas, notifícaselles aos denunciados cuxos datos persoais se mencionan no anexo, mediante a publicación no Boletín Oficial del Estado, as resolucións dos procedementos administrativos sancionadores por infracción da Lei 6/2017, do 12 de decembro, de portos de Galicia, en relación co Regulamento de servizo e policía dos portos, aprobado pola Orde ministerial do 12 de xuño de 1976, por non ser posible a notificación no domicilio.

Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no Boletín Oficial del Estado.

O órgano competente para a resolución do expediente é o director do ente público, de acordo coa tipificación e coa contía da sanción, e en virtude do disposto no artigo 144.1.a) da Lei 6/2017, de portos de Galicia.

Contra a presente resolución, que non pon fin á vía administrativa, poderase interpoñer recurso de alzada ante o presidente do Consello de Administración, segundo o establecido no acordo de delegación de competencias do Consello de Administración do ente público Portos de Galicia, publicado mediante a Resolución do 29 de agosto de 2018, no DOG núm. 177, do 17 de setembro. O prazo para interpoñer este recurso é dun mes contado a partir do día seguinte ao da publicación desta cédula no Boletín Oficial del Estado.

Transcorrido o dito prazo, a resolución sancionadora devirá firme e executiva e o importe da sanción poderá facerse efectivo en período voluntario, dentro do prazo establecido no artigo 62 da Lei 58/2003, do 12 de decembro, xeral tributaria (BOE núm. 302, do 18 de decembro), mediante ingreso en calquera oficina das entidades de depósito colaboradoras (Banco Sabadell, BBVA e Abanca), empregando o modelo impreso que se facilitará nos servizos centrais de Portos de Galicia.

De non efectuarse o ingreso no devandito prazo, procederase á súa exacción por vía executiva.

Santiago de Compostela, 6 de setembro de 2023

Roi Fernández Añón
Director xeral de Portos de Galicia

ANEXO

Expediente Matrícula Denunciante	DNI/CIF do/da denunciado/a	Feito denunciado Data-hora-porto	Precepto infrinxido	Precepto sancionador	Importe da sanción
Sanc. 13-30-23-04 2873-KYX Garda Civil	76899031A	Estacionamento prohibido. 26.12.2022; 13.10 horas; A Guarda (Pontevedra)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-35-23-57 0976-FRY Policía Autonómica	35426037B	Estacionamento prohibido. 10.12.2022; 17.28 horas; As Corbaceiras (Pontevedra)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 14-07-23-01 Garda Civil	34637968Z	Pesca prohibida. 18.10.2022; 19.45 horas; Celeiro-Viveiro (Lugo)	Artigo 131.v) da Lei 6/2017, de portos de Galicia (LPG)	Artigo 137 da LPG	90 €