De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáselles publicidade ás seguintes encomendas coas seguintes características:
1. Resolución do 5 de xuño de 2023, da Consellería do Mar, pola que se lle encarga ao medio propio Fundación Centro Tecnolóxico do Mar (Cetmar) a realización da asistencia técnica de apoio para o reforzo do Centro Nacional de Información e Investigación Mariña de Namibia (NatMIRC) na súa función de contribuír ao proceso de toma de decisións na xestión de pesqueiras.
– Actividade: describir os traballos que comprenderá a asistencia técnica de apoio para mellorar a capacidade de investigación de NatMIRC nos recursos pesqueiros e as súas pesqueiras, e contribuír á mellora da avaliación dos recursos pesqueiros namibios e favorecer a xestión sustentable das súas pesqueiras.
– Natureza e alcance da xestión encomendada: encomenda de xestión a medios propios, ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 5 de xuño de 2023 ata o 15 de decembro de 2025.
– Financiamento: tramitouse con cargo aos orzamentos da Comunidade Autónoma de Galicia para o ano 2023, na aplicación orzamentaria 15.02.723A.640.1, código do proxecto 2016 00287.
2. Resolución do 2 de agosto de 2023, da Consellería do Mar, pola que se lle encarga ao medio propio Fundación Centro Tecnolóxico do Mar (Cetmar) a asistencia técnica en relación coas actuacións desenvolvidas no marco da medida 1.6.2. Recollida de residuos coa participación dos pescadores no mar e nas praias.
– Actividade: a realización das actuacións relativas á execución polo Centro Tecnolóxico do Mar-Fundación Cetmar de accións de apoio á Consellería do Mar en materias relacionadas coas actuacións desenvolvidas no marco da medida 1.6.2. Recollida de residuos coa participación dos pescadores no mar e nas praias.
– Natureza e alcance da xestión encomendada: encomenda de xestión a medios propios, ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 2 de agosto de 2023 ata o 20 de decembro de 2026.
– Financiamento: tramitouse con cargo aos orzamentos da Comunidade Autónoma de Galicia para os anos 2023, 2024, 2025 e 2026 na aplicación orzamentaria 15.02.723A.640.0, código do proxecto 2023 00192, cofinanciada polo FEMPA nun 70 %.
3. Resolución do 2 de agosto de 2023, da Consellería do Mar, pola que se lle encarga ao medio propio Fundación Centro Tecnolóxico do Mar (Cetmar) a asistencia técnica no seguimento e avaliación do desenvolvemento local participativo dos grupos de acción local do sector pesqueiro (GALP) no marco do FEMPA 2023-2027.
– Actividade: a realización das actuacións relativas á execución polo Centro Tecnolóxico do Mar-Fundación Cetmar de accións de apoio á Consellería do Mar en materias relacionadas co seguimento e avaliación do desenvolvemento local participativo dos grupos de acción local do sector pesqueiro (GALP) no marco do FEMPA 2023-2027.
– Natureza e alcance da xestión encomendada: encomenda de xestión a medios propios, ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 2 de agosto de 2023 ata o 20 de decembro de 2026.
– Financiamento: tramitouse con cargo aos orzamentos da Comunidade Autónoma de Galicia para os anos 2023, 2024, 2025 e 2026 na aplicación orzamentaria 15.03.723A.640.0 código do proxecto 2023 000192, cofinanciada polo FEMPA nun 70 %.
4. Resolución do 18 de agosto de 2023, da Consellería do Mar, pola que se lle encarga ao medio propio Fundación Centro Tecnolóxico do Mar (Cetmar) a execución do servizo de coordinación, difusión e mellora do Observatorio Costeiro da Xunta de Galicia como soporte á xestión sustentable da actividade acuícola.
– Actividade: a execución do servizo de coordinación, difusión e mellora do Observatorio Costeiro da Xunta de Galicia como soporte á xestión sustentable da actividade acuícola.
– Natureza e alcance da xestión encomendada: encomenda de xestión a medios propios, ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 1 de agosto de 2023 ata o 31 de decembro de 2025.
– Financiamento: tramitouse con cargo aos orzamentos da Comunidade Autónoma de Galicia para os anos 2023, 2024 e 2025 na aplicación orzamentaria 15.02.723A.641.0, código do proxecto 2023 000242, cofinanciada polo FEMPA nun 70 %.
Santiago de Compostela, 11 de setembro de 2023
Silvia Cortiñas Fernández
Secretaria xeral técnica da Consellería do Mar