Faise público que na sesión plenaria ordinaria do día 31 de xullo de 2023 foi aprobado con carácter definitivo o estudo de detalle en Papellas-Ares para posterior construción de dúas vivendas unifamiliares acaroadas de iniciativa privada redactado polas arquitectas E. Estraviz Prado/M. Ruiz Fernández e M. Fernández Lemos de EM2 Obradoiro de Arquitectos.20011.

O acordo de aprobación definitiva publicarase no Diario Oficial de Galicia e a normativa urbanística publicarase no Boletín Oficial da provincia.

O devandito estudo de detalle remitirase á Dirección Xeral de Urbanismo da Consellería de Medio Ambiente, Territorio e Vivenda coa documentación exixida polo artigo 88.3 da Lei 2/2016, do solo de Galicia, para os efectos de inscribir o estudo de detalle no Rexistro de Planeamento Urbanístico de Galicia.

Faise constar de conformidade co exixido polo artigo 199.4 do Decreto 143/2016, do 10 de febreiro, que, en todo caso, a eficacia do acto de aprobación definitiva e a entrada en vigor do estudo de detalle quedan condicionadas ao cumprimento dos anteriores trámites e ao sinalado no artigo 70.2 da Lei 7/1985, do 2 de abril, reguladora das bases do réxime local en relación co artigo 65.4 da mesma lei.

Contra o acordo de aprobación definitiva do devandito estudo de detalle poderse interpoñer directamente recurso contencioso-administrativo perante o Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio.

Ares, 8 de agosto de 2023

Julio I. Iglesias Redondo
Alcalde