De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puidesen efectuar faranse por medio de anuncio no Boletín Oficial del Estado (BOE), co contido sinalado no artigo 46 da mesma lei, e a súa eficacia quedará supeditada á súa publicación no taboleiro de edictos único (TEU) do BOE.

Polo anterior, e logo de intentar a notificación persoal no domicilio que consta nos nosos arquivos, notifícaselles ás persoas traballadoras ou asimiladas, beneficiarias e solicitantes de prestacións por desemprego que se sinalan no anexo, as comunicacións de inicio ou resolucións do procedemento sancionador por infraccións na orde social. A seguir publícase este anuncio, que terá efectos a partir do día seguinte ao da súa publicación no BOE.

Para o caso de comunicacións de inicio do procedemento sancionador, outórgaselles un prazo de quince (15) días hábiles contados desde o día seguinte ao da publicación deste anuncio no BOE para aleguen o que consideren conveniente, e presentaren a documentación que consideren oportuna.

Para o caso de resolucións do procedemento sancionador, a resolución sancionadora esgota a vía administrativa e poderá interpoñer, dentro do prazo de trinta (30) días hábiles desde o día seguinte ao da publicación deste anuncio no BOE, reclamación administrativa previa, conforme o previsto no artigo 71 da Lei 36/2011, do 10 de outubro, reguladora da xurisdición social. Contra as resolucións das reclamacións administrativas previas en materia de prestacións da Seguridade Social que esgotan a vía administrativa cabe formular demanda perante o xulgado do social competente, no prazo de dous meses seguintes a partir do día seguinte ao da publicación deste anuncio no BOE.

Para o coñecemento do texto íntegro do acto que se notifica e constancia deste coñecemento, a persoa interesada poderá comparecer debidamente acreditada na oficina de emprego que corresponda, das 9.00 ás 14.00 horas, de luns a venres.

Sen prexuízo do anterior e en virtude do disposto no citado artigo 44, parágrafo segundo da Lei 39/2015, do 1 de outubro, este anuncio publícase no Diario Oficial de Galicia.

Lugo, 4 de agosto de 2023

Pilar Fernández López
Xefa territorial de Lugo

ANEXO

Interesado/a (DNI/NIE)	Nº expediente	Acto que se notifica	Concello
08369514K	08369514K/02-06-2023/2.1.D	Comunicación de inicio de procedemento sancionador	Lugo
33334297Y	33334297Y/24-04-2023/2.1.E	Comunicación de inicio de procedemento sancionador	Lugo
33338802A	33338802A/08-03-2023/2.1.E	Comunicación de inicio de procedemento sancionador	Lugo
34290516T	34290516T/07-06-2023/2.1.E	Comunicación de inicio de procedemento sancionador	O Corgo
34321947J	34321947J/13-03-2023/2.1.E	Comunicación de inicio de procedemento sancionador	Lugo
50580518E	50580518E/20-06-2023/2.1.E	Comunicación de inicio de procedemento sancionador	Barreiros
Y4493530B	Y4493530B/03-03-2023/2.1.E	Comunicación de inicio de procedemento sancionador	Lugo
33837170F	33837170F/10-04-2023/2.1.E	Resolución de procedemento sancionador	Friol
35695419V	35695419V/20-02-2023/2.1.E	Resolución de procedemento sancionador	Lugo
35695419V	35695419V/15-12-2022/2.1.A	Resolución de procedemento sancionador	Lugo
48779631N	48779631N/22-12-2022/2.1.A	Resolución de procedemento sancionador	Outeiro de Rei
79340261J	79340261J/12-04-2023/2.1.E	Resolución de procedemento sancionador	Vilalba
X5708073W	X5708073W/15-03-2023/2.1.E	Resolución de procedemento sancionador	Lugo
X7907465L	X7907465L/22-06-2022/2.1.D	Resolución de procedemento sancionador	Foz