A Xunta de Goberno Local, en sesión ordinaria que tivo lugar o 3 de xullo de 2023, acordou aprobar inicialmente o proxecto de expropiación forzosa para a obtención dos terreos do sistema xeral SX-VI/AU11 na rúa Neptuno, polo procedemento de taxación conxunta, segundo o documento redactado pola entidade Estudio Técnico Gallego, S.A. e asinado polo arquitecto Isidro López Yáñez (colexiado nº 2261 COAG), presentado o 26 de maio de 2023 (rexistro de entrada núm. 202399900002454), no cal se inclúen a delimitación territorial do ámbito, a descrición de bens e dereitos e titulares afectados, a fixación de prezos e as follas de prezo xusto individualizadas.

Polo que se somete a información pública, por un prazo dun (1) mes, para que as persoas que se consideren interesadas formulen as observacións e reclamacións que xulguen convenientes, en particular no relativo á titularidade ou valoración dos seus respectivos dereitos.

Así mesmo, os titulares dos bens e dereitos afectados son requiridos para que acheguen os títulos que os acrediten como propietarios deles. Advírteselles que este anuncio serve de notificación no caso de que estes sexan descoñecidos ou se descoñeza o seu enderezo, segundo o previsto no artigo 44 da Lei 39/2015, do procedemento administrativo común das administracións públicas.

A relación de bens e dereitos afectados polo expediente expropiatorio é a seguinte:

Predio	Referencia catastral	Titular	Superficie total (m2)	Superficie afectada (m2)	Clasificación urbanística	Situación básica do solo	Outros bens afectados
1	3931930NH2941N0001RW	Manuel Pensado Martínez (usufruto)-10 % Silvia María Pensado Lorenzo (propiedade)-90 %	714	193	Solo de núcleo rural común-ordenanza 2.2-Sistema viario	Urbanizado	1	Ud. traslado portal chapa galvanizada (1,8x4m)
							1	Ud. árbore de xardín
							10	m2 muro de bloque de formigón
2	3931926NH2941N0001KW	Consuelo Díaz Fernández Manuel Sánchez Ferreiro (herdeiros)	409	57	Solo de núcleo rural común-ordenanza 2.2-Sistema viario	Urbanizado	1	Ud. traslado contador de auga
							1	m3 muro formigón
							57	m2 soleira de formigón
							78	m2 muro de bloque de formigón
3	3931933NH2941N0001IW	Servando Fernández Rama	211	37	Solo de núcleo rural común-ordenanza 2.2-Sistema viario	Urbanizado	8	m2 muro de bloque de formigón

O documento estará á disposición dos interesados na Oficina Técnica Municipal, das 10.00 ás 13.00 horas, na páxina web na seguinte ligazón, punto 7 Outros:

http://carballo.org/urbanismo/planeamentodesenvolvemento.php?idioma=gl#ancla

E na sede electrónica deste concello (no taboleiro de anuncios na seguinte ligazón: https://sede.carballo.gal/sxc/es/informacion/).

Carballo, 26 de xullo de 2023

Evencio Ferrero Rodríguez
Alcalde