O 17 de abril de 2023 o alcalde ditou o Decreto número 1046/2023, que acorda o seguinte:

«Primeiro. Modificar a oferta de emprego público deste concello para o ano 2023, que contén os seguintes postos de traballo:

Persoal funcionario:

Funcionarios de carreira; escala de Administración especial, policía local.

Grupo	Clasificación	Núm. de vacantes	Denominación	Sistema de acceso
C1	Persoal funcionario	1	Oficial policía local	Promoción interna
C1	Persoal funcionario	5	Axente policía local	Oposición libre

Persoal laboral:

Grupo	Clasificación	Núm. de vacantes	Denominación	Sistema de acceso
2	Persoal laboral	1	Director do Conservatorio municipal	Concurso-oposición
4	Persoal laboral	1	Auxiliar de clínica UPAD	Oposición libre
4	Persoal laboral	1	Oficial de primeira de obras	Oposición libre
5	Persoal laboral	1	Peón do servizo de protección civil (GES)	Concurso-oposición

Segundo. Publicar a oferta de emprego público no taboleiro de anuncios da Corporación, así como na sede electrónica deste concello e no Boletín Oficial da provincia e no Diario Oficial de Galicia.

Terceiro. Convocar as prazas ofertadas en execución da presente oferta de emprego público dentro do prazo improrrogable de tres anos, contados desde a súa data de publicación. Deberá acreditarse nese momento a existencia de consignación orzamentaria axeitada e suficiente.

Cuarto. Elevar este decreto á Mesa Xeral de Negociación do Concello de Noia para a súa negociación e toma de coñecemento na vindeira sesión que se vaia realizar».

Noia, 12 de xullo de 2023

José Santiago Freire Abeijón
Alcalde