O instrutor do procedemento SXRH-PD-4/23 tentou citar a persoa interesada para a realización do trámite de vista deste. Os intentos de notificación realizáronse no domicilio da persoa interesada, a través do servizo de Correos, e tamén mediante a posta á disposición electrónica, intentos que resultaron infrutuosos. Por tal motivo, de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, publícase este anuncio para que sirva de notificación á persoa interesada. A continuación identifícase a persoa, a referencia do procedemento e o trámite a que se convoca: Persoa citada: 34251442A. Procedemento: SXRH-PD-4/23. Trámite: citación para o día 4.9.2023, ás 11.00 horas, nas dependencias do Servizo Territorial de Inspección Educativa da Xefatura Territorial da Consellería de Cultura, Educación, Formación Profesional e Universidades de Lugo (sita no enderezo: rolda da Muralla, nº 70, 2º andar, na cidade de Lugo), co obxecto de comparecer perante o instrutor para a realización do trámite de vista do procedemento citado.

Se a persoa citada non comparece na data indicada, continuarase o procedemento cos actos que resulten procedentes en dereito.

Lugo, 17 de xullo de 2023

Rubén Vázquez Rodríguez
Instrutor