DOG 146 do 2/8/2023 - RESOLUCIÓN do 21 de xullo de 2023 pola que se procede ao nomeamento como persoal funcionario de carreira do corpo facultativo superior de Administración especial da Administración xeral da Comunidade Autónoma de Galicia, na escala superior de saúde laboral, subgrupo A1, das persoas aspirantes que superaron o proceso selectivo, convocado pola Orde do 28 de febreiro de 2019 (Diario Oficial de Galicia número 44, do 4 de marzo).

IV. Oposicións e concursos

Consellería de Facenda e Administración Pública

RESOLUCIÓN do 21 de xullo de 2023 pola que se procede ao nomeamento como persoal funcionario de carreira do corpo facultativo superior de Administración especial da Administración xeral da Comunidade Autónoma de Galicia, na escala superior de saúde laboral, subgrupo A1, das persoas aspirantes que superaron o proceso selectivo, convocado pola Orde do 28 de febreiro de 2019 (Diario Oficial de Galicia número 44, do 4 de marzo).

Unha vez rematado o proceso selectivo para o ingreso na escala superior de saúde laboral, subgrupo A1, do corpo facultativo superior de Administración especial da Administración xeral da Comunidade Autónoma de Galicia, convocado pola Orde do 28 de febreiro de 2019 (DOG núm. 44, do 4 de marzo); e realizado o acto de elección de destino provisional previsto na Resolución do 20 de xuño de 2023 (DOG núm. 120, do 26 de xuño), esta consellería, de conformidade co disposto na Lei 2/2015, do 29 de abril, do emprego público de Galicia e demais normas concordantes,

RESOLVE:

Primeiro. Nomear persoal funcionario de carreira do corpo facultativo superior de Administración especial da Administración xeral da Comunidade Autónoma de Galicia, na escala superior de saúde laboral, subgrupo A1, as persoas aspirantes aprobadas que se relacionan no anexo desta resolución, ordenadas de acordo coa puntuación final obtida, e adxudicarlles como destinos provisionais segundo o disposto na base IV.6 os que figuran no mesmo anexo.

Para adquiriren a condición de persoal funcionario de carreira, as persoas a que que se refire o anexo desta resolución deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computar o día 19 de setembro de 2023.

No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, que poderán tomar posesión durante esta situación.

Segundo. Contra esta resolución, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda e Administración Pública no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 21 de xullo de 2023

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
José María Barreiro Díaz
Director xeral da Función Pública

ANEXO

Nº	DNI	Apelidos e nome	Posto elixido	Código do posto	Denominación	Cons.	Centro destino	Centro directivo	Concello	Adscr.	Niv.	Formación	Observ.
1	*1705	Lorenzo Espeso, María de las Nieves	3	EIO291000015001007	Xefatura Área Téc. Medicina Trab. e Ergon. e Psic.	EM	Centro Territorial do Issga na Coruña	Servizos Periféricos-Instituto de Seguridade e Saúde Laboral de Galicia	Coruña (A)	A1	26	Técnico de Nivel Superior de Prevención de Riscos Laborais nas súas tres especialidades: Seguridade no Traballo, Hixiene Industrial e Ergonomía e Psicosocioloxía Aplicada (R.I.).	Decreto 138/2007, do 5 de xullo, polo que se regula a habilitación do persoal técnico.
2	*3570	Fernández Vázquez, Antonio	9	EIO210000215770007	Xefatura Sección Medicina do Traballo	EM	S. X. Técnica e de Planificación	Instituto de Seguridade e Saúde Laboral de Galicia	Santiago de Compostela	A1	25	Técnico de Nivel Superior de Prevención de Riscos Laborais nas súas tres especialidades: Seguridade no Traballo, Hixiene Industrial e Ergonomía e Psicosocioloxía Aplicada (R.I.).
3	*5026	Eyre Vázquez, María Paz	2	EIO291000027001006	Xefatura Área Téc. Medicina Trab. e Ergon. e Psic.	EM	Centro Territorial do Issga en Lugo	Servizos Periféricos-Instituto de Seguridade e Saúde Laboral de Galicia	Lugo	A1	26	Técnico de Nivel Superior de Prevención de Riscos Laborais nas súas tres especialidades: Seguridade no Traballo, Hixiene Industrial e Ergonomía e Psicosocioloxía Aplicada (R.I.).
4	*2698	Pérez Blanco, María Teresa	4	EIO291000032001006	Xefatura Área Téc. Medicina Trab. e Ergon. e Psic.	EM	Centro Territorial do Issga en Ourense	Servizos Periféricos-Instituto de Seguridade e Saúde Laboral de Galicia	Ourense	A1	26	Técnico de Nivel Superior de Prevención de Riscos Laborais nas súas tres especialidades: Seguridade no Traballo, Hixiene Industrial e Ergonomía e Psicosocioloxía Aplicada (R.I.).
5	*7560	Pichel Fernández, Francisco Arturo	8	EIO291010136440009	Xefatura Área Téc. Medicina Trab. e Ergon. e Psic.	EM	Centro Territorial do Issga en Pontevedra	Servizos Periféricos-Instituto de Seguridade e Saúde Laboral de Galicia	Redondela	A1	26	Técnico de Nivel Superior de Prevención de Riscos Laborais nas súas tres especialidades: Seguridade no Traballo, Hixiene Industrial e Ergonomía e Psicosocioloxía Aplicada (R.I.).
6	*5269	Armesto Mantilla, Carlos	5	EIO291000015001012	Técnico/a Superior de Saúde Laboral	EM	Centro Territorial do Issga na Coruña	Servizos Periféricos-Instituto de Seguridade e Saúde Laboral de Galicia	Coruña (A)	A1	24	Técnico de Nivel Superior de Prevención de Riscos Laborais nas súas tres especialidades: Seguridade no Traballo, Hixiene Industrial e Ergonomía e Psicosocioloxía Aplicada (R.I.).