De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puidesen efectuar faranse por medio de anuncio no Boletín Oficial del Estado (BOE), co contido sinalado no artigo 46 da mesma lei, e a súa eficacia quedará supeditada á súa publicación no taboleiro de edictos único (TEU) do BOE.

Polo anterior, e despois de tentar a notificación persoal no domicilio que consta nos nosos arquivos, notifícanselles ás persoas traballadoras ou asimiladas, beneficiarias e solicitantes de prestacións por desemprego que se sinalan no anexo, as comunicacións de inicio ou resolucións do procedemento sancionador, por infraccións na orde social. A seguir publícase o presente anuncio, que terá efectos a partir do día seguinte ao da súa publicación no BOE.

Para o caso de comunicacións de inicio do procedemento sancionador, outórgaselles un prazo de quince (15) días hábiles, contados desde o día seguinte ao da publicación deste anuncio no BOE, para alegar o que consideren conveniente, presentando a documentación que xulguen oportuna.

Para o caso de resolucións do procedemento sancionador, a resolución sancionadora esgota a vía administrativa e poderá interpoñer, dentro do prazo de trinta (30) días hábiles desde o día seguinte ao da publicación deste anuncio no BOE, reclamación administrativa previa, conforme o previsto no artigo 71 da Lei 36/2011, do 10 de outubro, reguladora da xurisdición social. Contra as resolucións das reclamacións administrativas previas en materia de prestacións da Seguridade Social que esgotan a vía administrativa cabe formular demanda ante o xulgado do social competente, no prazo de dous meses seguintes a partir do día seguinte ao da publicación deste anuncio no BOE.

Para o coñecemento do texto íntegro do acto que se notifica e constancia deste coñecemento, as persoas interesadas poderán comparecer debidamente acreditada na oficina de emprego que corresponda, das 9.00 ás 14.00 horas, de luns a venres.

Sen prexuízo do anterior, e en virtude do disposto no citado artigo 44, parágrafo segundo da Lei 39/2015, do 1 de outubro, este anuncio publícase no Diario Oficial de Galicia.

Lugo, 13 de xullo de 2023

Pilar Fernández López
Xefa territorial de Lugo

ANEXO

Interesado/a (DNI/NIE)	Nº de expediente	Acto que se notifica	Concello
02254447X	02254447X/06-05-2022/2.1.D	Comunicación de inicio de procedemento sancionador	Ponteceso
34352237N	34352237N/05-06-2023/2.1.E	Comunicación de inicio de procedemento sancionador	Monforte de Lemos
46090459T	46090459T/31-01-2023/2.1.E	Comunicación de inicio de procedemento sancionador	Sarria
51062263D	51062263D/18-04-2022/2.1.D	Comunicación de inicio de procedemento sancionador	Lugo
33552295X	33552295X/11-11-2022/2.1.A	Resolución de procedemento sancionador	Lugo
33855297X	33855297X/10-04-2023/2.1.E	Resolución de procedemento sancionador	Lugo
45834987N	45834987N/15-12-2022/2.1.A	Resolución de procedemento sancionador	Lugo
X8502147J	X8502147J/16-12-2022/2.1.A	Resolución de procedemento sancionador	Lugo
X8711342T	X8711342T/16-12-2022/2.1.A	Resolución de procedemento sancionador	Lugo