DOG 144 do 31/7/2023 - ORDE do 20 de xullo de 2023 pola que se amplía o crédito para os procedementos PE120A e PE120E da Orde do 19 de decembro de 2022 pola que se establecen as bases e se regulan os procedementos para a concesión, en réxime de concorrencia competitiva, de axudas para investimentos que fomenten a pesca sustentable para propietarios de buques pesqueiros cofinanciadas co Fondo Europeo Marítimo e de Pesca (FEMP) e se convocan para o ano 2023 os devanditos procedementos, tramitados como expedientes anticipados de gasto (códigos de procedemento PE120A, PE120B, PE120C e PE120E).

III. Outras disposicións

Consellería do Mar

ORDE do 20 de xullo de 2023 pola que se amplía o crédito para os procedementos PE120A e PE120E da Orde do 19 de decembro de 2022 pola que se establecen as bases e se regulan os procedementos para a concesión, en réxime de concorrencia competitiva, de axudas para investimentos que fomenten a pesca sustentable para propietarios de buques pesqueiros cofinanciadas co Fondo Europeo Marítimo e de Pesca (FEMP) e se convocan para o ano 2023 os devanditos procedementos, tramitados como expedientes anticipados de gasto (códigos de procedemento PE120A, PE120B, PE120C e PE120E).

A Orde do 19 de decembro de 2022 (DOG núm. 9 do 13 de xaneiro de 2023) estableceu, para o ano 2023, a convocatoria de axudas para investimentos que fomenten a pesca sustentable para propietarios de buques e entre as súas finalidades estaban realizar investimentos:

– Que limiten o impacto da pesca no medio mariño e adaptación da pesca á protección das especies (procedemento PE120A).

– Que aumenten o valor engadido, a calidade dos produtos e a utilización de capturas non desexadas (procedemento PE120E).

A devandita orde establece no seu artigo 4 que o crédito inicial poderá ser ampliado en función das dispoñibilidades orzamentarias sen que iso dea lugar á apertura dun novo prazo de presentación de solicitudes.

Tendo en conta que este ano, polo número e contía deste tipo de axudas, o crédito orzamentario non foi suficiente para atender as solicitudes que cumpren cos requisitos, é polo que procede ampliar o crédito orzamentario para a concesión de axudas para as liñas de investimentos que limiten o impacto da pesca no medio mariño e adaptación da pesca á protección das especies e que aumenten o valor engadido, a calidade dos produtos e a utilización de capturas non desexadas.

Por todo o anterior, e no uso das facultades que me foron conferidas,

DISPOÑO:

Artigo único

Primeiro. Amplíase o importe da contía máxima das axudas que se van conceder ao abeiro da Orde do 19 de decembro de 2022 en:

92.187,00 euros, con cargo á aplicación 15.02.723A.770.0 (código de proxecto 2016.00254) dos orzamentos xerais da Comunidade Autónoma de Galicia para o ano 2023, polo que o importe total da convocatoria de 2023 para o procedemento 120A ascende a 192.187,00 euros.

E en:

183.650,75 euros, con cargo á aplicación 15.02.723A.770.5 (código de proxecto 2016.00278) dos orzamentos xerais da Comunidade Autónoma de Galicia para o ano 2023, polo que o importe total da convocatoria de 2023 para o procedemento 120E ascende a 483.650,75 euros.

Segundo. A publicación desta orde non supón a apertura dun novo prazo de presentación de solicitudes.

Disposición derradeira única

Esta orde producirá efectos a partir do día seguinte ao da súa publicación no Diario Oficial de Galicia.

Santiago de Compostela, 20 de xullo de 2023

Alfonso Villares Bermúdez
Conselleiro do Mar