Ao non ser posible a práctica da notificación aos titulares das referencias catastrais que se relacionan a seguir, de acordo co artigo 44 da Lei 39/2015, do 1 de outubro, do procedemento administrativo común das administracións públicas (LPAC) procede notificar, mediante o anuncio no BOE e no DOG, co fin de que no prazo de quince (15) días naturais, que comezará a contar desde o día seguinte ao da publicación deste anuncio no BOE, as persoas interesadas no procedemento procedan á xestión da biomasa vexetal e á retirada de especies arbóreas prohibidas, segundo o establecido no artigo 21 da Lei 3/2007, do 9 de abril, de prevención e defensa contra os incendios forestais de Galicia, e modificacións posteriores.

Ponse en coñecemento da persoa responsable que o contido íntegro da citada notificación, así como da totalidade do expediente administrativo, está á disposición da interesada nas dependencias do Concello de Vimianzo.

Vimianzo, 21 de xuño de 2023

Mónica Rodríguez Ordóñez
Alcaldesa