De conformidade co disposto nos artigos 44 e 46 da Lei 39/2015 (BOE nº 236, do 2 de outubro), do procedemento administrativo común das administracións públicas, notifícaselle a Eduardo José Cardona Alonso, mediante a publicación no Boletín Oficial del Estado, por non ser posible a notificación a través do servizo de Correos, que a resolución emitida pola Presidencia de Portos de Galicia o 25 de abril de 2023 acordou desestimar o recurso de alzada interposto contra a Resolución da Dirección de Portos de Galicia do 13 de marzo de 2023 recaída no procedemento administrativo sancionador con número de referencia 13-27-22-95.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.
A citada resolución, que esgota a vía administrativa, é firme e executiva, e contra ela poderase interpoñer recurso contencioso-administrativo nun prazo de dous (2) meses contados desde o día seguinte ao da súa publicación ante, a elección do interesado, o xulgado do contencioso-administrativo correspondente á circunscrición onde teña aquel o seu domicilio ou o xulgado do contencioso-administrativo que corresponda de Santiago de Compostela.
O expediente completo para o seu exame e consulta atópase na sede dos servizos centrais de Portos de Galicia situados no polígono das Fontiñas, praza de Europa, 5 A, 6º, Santiago de Compostela.
O importe da sanción poderá facerse efectivo en período voluntario dentro do prazo establecido no artigo 62 da Lei 58/2003, do 12 de decembro, xeral tributaria (BOE nº 302, do 18 de decembro), mediante ingreso en calquera das entidades de depósito colaboradoras (Banco Sabadell, BBVA e Abanca), empregando o modelo impreso que se facilitará nos servizos centrais de Portos de Galicia.
De non efectuarse o pagamento no devandito prazo, procederase á súa exacción por vía executiva.
Santiago de Compostela, 12 de xuño de 2023
Susana Lenguas Gil
Presidenta de Portos de Galicia
ANEXO
Expediente Matrícula Denunciante |
Denunciado |
Feito denunciado Data-hora-porto |
Precepto infrinxido |
Precepto sancionador |
Importe |
Sanc. 13-27-22-95 M-6630-LK PAFIF |
Eduardo José Cardona Alonso |
Estacionamento prohibido. 5.8.2022 18.35 horas Panxón (Pontevedra) |
Artigo 131.t) da Lei 6/2017, de portos de Galicia (LPG) |
Artigo 137 da LPG |
90 € |