Advertido erro no citado anuncio, publicado no Diario Oficial de Galicia nº 91, do 12 de maio de 2023, cómpre efectuar a seguinte corrección na páxina 29889:
Onde di: «Ao quedar dispoñible no porto de Lorbé o departamento número 16 para usuarios e a nave vella de redes, no dominio público portuario de Corme», debe dicir: «Ao quedar dispoñible no porto de Lorbé o departamento número 16 para usuarios e a nave C de redes, no dominio público portuario de Lorbé».
Ampliar o prazo de presentación de solicitudes en vinte (20) días hábiles, contados a partir do seguinte ao da publicación desta corrección no Diario Oficial de Galicia.
O que se fai público para os efectos previstos no artigo 63 da Lei 6/2017, do 12 de decembro, de portos de Galicia (DOG núm. 236, do 14 de decembro), para que as persoas e entidades interesadas poidan presentar a súa solicitude; segundo o establecido no prego das bases da convocatoria, en todo caso deberán acreditarse a data e a hora de presentación da solicitude. A documentación está á disposición na web www.portosdegalicia.com
A documentación deberá presentarse obrigatoriamente por vía electrónica de acordo cos artigos 14.2 e 68.4 da Lei 39/2015, do 1 de outubro, do procedemento administrativo común das administracións públicas, e da Lei 4/2019, de administración dixital de Galicia, empregando o modelo con código IF500B, regulado na Resolución do 17 de novembro de 2020 pola que se aproba o procedemento de autorización de ocupación de dominio público portuario en portos dependentes da Comunidade Autónoma de Galicia dentro do prazo establecido, e que, en caso contrario, non será admitida, debendo emendar a súa presentación tomando como data de presentación a da emenda, co risco, no caso de trámites sometidos a prazos preclusivos, de que perdan o dereito ao trámite ou mesmo o dereito ao seu favor que, de ser o caso, poidan ter obtido, no marco do procedemento de que se trate.
A Coruña, 7 de xuño de 2023
Lorena Solana Barjacoba
Xefa da Zona Centro