O Pleno do Concello do 25.5.2023 adoptou o seguinte acordo:
«1. Aprobar definitivamente a modificación puntual do Plan parcial reformado do polígono residencial de Esteiro, no ámbito do quinteiro 8C do reflectido polígono residencial, predio con referencia catastral 2849201NJ6125S0001RH, aprobada inicialmente o 13.6.2022 pola Xunta de Goberno Local, instada pola Universidade da Coruña e contida no documento elaborado por Oficina de Planeamento, S.A., asinado o 29.3.2022.
2. Deixar sen efecto a suspensión dos procedementos de outorgamento de licenzas de parcelación, edificación e demolición referidos ao soar afecto, de conformidade co artigo 47.2 da Lei 2/2016, do 10 de febreiro, do solo de Galicia.
3. Realización dos trámites previstos nos artigos 82 e 86 da Lei 2/2016, do 10 de febreiro, do solo de Galicia, sobre publicacións, e promover a inscrición no Rexistro de Ordenación do Territorio e Planeamento Urbanístico de Galicia, para os efectos da súa entrada en vigor».
Medidas para o seguimento dos efectos no ambiente: a Resolución do 20.4.2021, da Dirección Xeral de Calidade Ambiental, Sostibilidade e Cambio Climático, que formula o informe ambiental estratéxico, resolve non someter ao procedemento de avaliación ambiental estratéxica a proposta de modificación puntual aprobada; por iso, non cómpre adoptar ningún tipo de medida.
O documento aprobado definitivamente pode consultarse na sede electrónica do Concello (https://www.ferrol.gal/Sede/PlaneamentoUrbanistico).
Contra este acordo, con carácter de disposición administrativa de carácter xeral, pódese interpor directamente recurso contencioso-administrativo ante o Tribunal Superior de Xustiza de Galicia no prazo de dous meses, que se contará a partir do día seguinte ao da publicación deste anuncio.
Ferrol, 1 de xuño de 2023
O alcalde
P.D. (Alcaldía do 8.7.2019, BOP do 22 de xullo)
Julián Reina Villalón
Concelleiro delegado titular da Área de Urbanismo e Infraestruturas,
Mobilidade, Vivenda e Rehabilitación, Contratación,
Centro de Recursos Informáticos e Organización Interna