En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: instalación de interruptor TC na LMTA ALB803 no apoio número D88-13.
Situación: lugar das Caldas, concello do Carballiño.
Características principais recollidas no proxecto:
• Substitución dos apoios existentes da LMTA ALB803 número D88-13 e número D88-14, do tipo VH, por novos apoios proxectados de celosía metálica, do tipo C-18/2000, instalando un interruptor telecontrolado (ITC) no apoio número D88-13. Substitución do condutor existente, do tipo LA-30, na LMTA ALB803, entre os apoios proxectados número D88-13 e número D88-14, instalando 112 m de novo condutor proxectado do tipo LA-56.
• LMT soterrada, a 20 kV, de 22 m de lonxitude, en condutor RHZ1-2OL 12/20 kV 1X95 mm² Al, con orixe no paso A/S no apoio proxectado número D88-13 e final nos empalmes proxectados no punto de acceso á rede existente LMTS ALB803.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro industrial David Núñez Fernández, colexiado número 1.534 do COEIG, o 3.4.2023.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Os planos parcelarios do proxecto.
O anterior faise público para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Poderase examinar toda a documentación nesta Xefatura Territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez número 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica
Ourense, 19 de maio de 2023
Alicia María López Míguez
Xefa territorial de Ourense
ANEXO
Relación de bens e de dereitos afectados
Número de expediente: IN407A 2023/097-3.
Situación: lugar das Caldas, concello do Carballiño.
Denominación: instalación de interruptor TC na LMTA ALB803 no apoio número D88-13.
Predio número en proxecto: 1; referencia catastral: 32020A058002140000RH.
Lugar: Partovia.
Cultivo: prado.
Titular: Isabel Payo Rama.
Afeccións: ocupación de 2 m2 para o apoio número D88-13 e ocupación de 6 m2 de servidume de voo.
Predio número en proxecto: 2; referencia catastral: 32020A058002170000RB.
Lugar: Estrada.
Cultivo: matogueira.
Titular: Isabel Payo Rama.
Afeccións: ocupación de 2 m2 para o apoio número D88-14.
