O Pleno da Corporación Municipal, en sesión do 2.5.2023, adoptou o seguinte acordo de aprobación definitiva do estudo de detalle para o reaxuste das aliñacións no ámbito do solo de núcleo rural de Fonte Alta, do termo municipal de Bueu. Encóntranse dentro do ámbito as parcelas coas seguintes referencias catastrais: 36004A052005460001WI, 36004A052003650001WW, 36004A052003650000QQ, 36004A052003660001WA e 36004A052007220001WG.

«Aprobar a proposta do concelleiro delegado de Urbanismo, Vivenda e Infraestruturas Públicas, asinada o 17.4.2023, relativa á aprobación definitiva de estudo de detalle. Parcelas afectadas dentro do ámbito do instrumento: parcelas 365, 366, 546 e 722 do polígono 52 do núcleo rural de Fonte Alta, na parroquia de Cela, Bueu, nos seguintes termos:

1. Aprobar definitivamente o estudo de detalle relativo ao reaxuste das aliñacións no ámbito do solo de núcleo rural de Fonte Alta, na parroquia de Cela, promovido de oficio segundo a documentación presentada por Oficina de Planeamiento, S.A. (CIF A15030422), mediante escrito do 30.11.2022 (RE núm. 2022-E-RE-3890).

2. Levantar e deixar sen efecto a suspensión dos procedementos de outorgamento de licenzas de parcelación, de construción de novas edificacións, substitución e rehabilitación integral das existentes, na área de solo de núcleo rural histórico-tradicional obxecto do estudo de detalle, acordada no acordo de aprobación inicial.

3. Notificarlle o presente acordo aos interesados, así como publicalo de conformidade co establecido nos artigos 82 da Lei 2/2016 e 199 do Decreto 143/2016. A inscrición do instrumento deberá realizarse no Rexistro de Planeamento Urbanístico de Galicia, de conformidade co disposto no artigo 88 da Lei 2/2016, do 10 de febreiro, do solo de Galicia, e 208 e seguintes do Decreto 143/2016, e co que dispoña para ese efecto a lexislación vixente en materia de réxime local. A solicitude de inscrición do instrumento no Rexistro de Planeamento Urbanístico de Galicia levarase a cabo mediante o correspondente modelo normalizado establecido pola Orde do 10 de marzo de 2017, pola que se establecen os modelos normalizados de solicitudes para a inscrición, modificación e certificación de datos no Rexistro de Planeamento Urbanístico de Galicia, previstas no Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia».

Contra o acordo de aprobación definitiva, que pon fin á vía administrativa, pódese interpor recurso contencioso-administrativo ante a Sala do Contencioso-Administrativo do Tribunal Superior de Xustiza, no prazo de dous meses, contados desde o día seguinte á súa publicación, de conformidade co establecido nos artigos 82 da Lei 2/2016 e 199 do Decreto 143/2016, consonte o disposto nos artigos 10 e 46 da Lei 29/1998, do 13 de xullo, da xurisdición contencioso-administrativa.

O anterior faise público en cumprimento do disposto no artigo 82 da Lei 2/2016, do 10 de febreiro, do solo de Galicia, e no artigo 199 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia. Para estes efectos, o documento Estudo de detalle en Fonte Alta, Cela, Bueu (Pontevedra) estará disponible na páxina web do Concello de Bueu (https://concellodebueu.gal/), así como no portal de transparencia da súa sede electrónica (bueu.sedeelectronica.gal).

Bueu, 22 de maio de 2023

Félix Juncal Novas
Alcalde