En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta dirección xeral se acordou depositar o acordo de modificación dos estatutos da Asociación de Centros de Economía Social (ACES-Galicia) (https://expinterweb.mites.gob.es/deose/publico/copiaEstatutos).

– Ámbito territorial: Comunidade Autónoma de Galicia.

– Ámbito profesional: empresas educativas ou centros pertencentes a cooperativas de calquera clase, sociedades anónimas laborais, sociedades de responsabilidade limitada laborais, mutuas, mutualidades, asociacións, fundacións e calquera outra entidade pertencente á economia social que desenvolva a súa actividade docente na Comunidade Autónoma de Galicia.

– Asinantes: Miguel Anxo Filgueira Touriño e María Lourdes Vázquez Martínez.

Santiago de Compostela, 3 de maio de 2023

Elena Mancha Montero de Espinosa
Directora xeral de Relacións Laborais