Mediante esta cédula, e debido a que, intentada a notificación da resolución do recurso de reposición a Mª Victorina Crego García, non puido ser atopada no enderezo facilitado pola interesada, comunícase:

Resolución de recurso de reposición por servizos de asistencia sanitaria prestados neste centro:

Referencia 202202733.

Antecedentes:

A Área Sanitaria de Ferrol comunicou, con data do 1 de setembro de 2022, a Mª Victorina Crego García a factura 202202733 por servizos sanitarios prestados neste centro. A interesada presenta recurso de reposición con rexistro de entrada do 22 de setembro de 2022. Polo tanto,

RESOLVO:

Desestimar o recurso de reposición presentado, por estar a factura emitida conforme dereito e resultar a reclamante obrigada ao pagamento da asistencia sanitaria. Contra esta resolución poderase interpor reclamación económico-administrativa, ante a Xunta Superior de Facenda, de acordo co disposto no artigo 49 da Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, e nos artigos 226 e 227 da Lei 58/2003, do 17 de decembro, xeral tributaria. Esta reclamación interporase no prazo dun mes, contado desde o día seguinre ao desta notificación, e dirixirase ao órgano administrativo que ditou o acto. A resolución da reclamación porá fin á vía administrativa.

Para que conste, sirva de notificación ao interesado, e en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido, asino e selo esta cédula. A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado.

Ferrol, 19 de maio de 2023

Ángel Facio Villanueva
Xerente da Área Sanitaria de Ferrol