Visto o expediente para outorgamento da autorización administrativa previa e de construción da instalación eléctrica que a continuación se describe:

Peticionario: Begasa.

Domicilio social: rúa Ramón María Aller Ulloa, 9, 27003 Lugo.

Denominación:

Visto o proxecto de execución denominado substitución de condutor en seis tramos da LSAT 20 kV Burela 1.

Situación: concello de Burela.

Características técnicas principais:

Substitución dos condutores existentes tipo RHZ1-95 mm por condutores tipo HEPRZ1-240 mm nos tramos seguintes da LSAT 20 kV Burela 1.

• Liña subterránea de alta tensión a 20 kV Burela 1 en canalización existente, con orixe nunha cela do CT 13536 G. Civil existente e final nunha cela do CT 9702 Edif. Díaz existente, cunha lonxitude de 330 metros en condutor HEPRZ1-240 mm.

• Liña subterránea de alta tensión a 20 kV Burela 1 en canalización existente, con orixe nunha cela do CT 13536 G. Civil existente e final nunha cela do CT 7322 Igrexa existente, cunha lonxitude de 820 metros en condutor HEPRZ1-240 mm.

• Liña subterránea de alta tensión a 20 kV Burela 1 en canalización existente, con orixe nunha cela do CT 1794 O Río existente e final nunha cela do CT 4027 Edif. Burela existente, cunha lonxitude de 870 metros en condutor HEPRZ1-240 mm.

• Liña subterránea de alta tensión a 20 kV Burela 1 en canalización existente, con orixe nunha cela do CT 7322 Iglesia existente e final nunha cela do CT 8323 Edif. Galicia existente, cunha lonxitude de 220 metros en condutor HEPRZ1-240 mm.

• Liña subterránea de alta tensión a 20 kV Burela 1 en canalización existente, con orixe nunha cela do CT 8323 Galicia existente e final nunha cela do CT 9356 Edif. Centro existente, cunha lonxitude de 210 metros en condutor HEPRZ1-240 mm.

• Liña subterránea de alta tensión a 20 kV Burela 1 en canalización existente, con orixe nunha cela do CT 9356 Edif. Centro existente e final nunha cela do CT 5770 Vía existente, cunha lonxitude de 280 metros en condutor HEPRZ1-240 mm.

Finalidade da instalación: mellora de instalacións.

Orzamento: 101.607,44 euros.

Documentación que se xunta:

• Separata para o Concello de Burela.

Esta xefatura territorial, de acordo coas competencias que resultan do Decreto 116/2022, do 23 de xuño, polo que se establece a estrutura orgánica da Consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción ás ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá levala a cabo un técnico competente.

Segunda. O peticionario asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada, ante o vicepresidente primeiro e conselleiro de Economía, Industria e Innovación, no prazo dun mes a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 25 de maio de 2023

Gustavo José Casasola de Cabo
Xefe territorial de Lugo