A entidade Pérez Queiruga e Hijos, S.L. solicitou a Portos de Galicia unha concesión administrativa para ocupar 3.878,25 m2 no dominio público portuario do porto da Pobra do Caramiñal con destino a oficinas e invernada de embarcacións.
En cumprimento dos artigos 68 e 70 da Lei 6/2017, do 12 de decembro, de portos de Galicia, faise público para que nun prazo dun (1) mes, contado a partir do día seguinte ao da publicación deste anuncio no Diario Oficial de Galicia, poidan presentarse outras solicitudes que teñan o mesmo ou distinto obxecto que aquela, e que deberán reunir os requisitos previstos no artigo 70 da citada Lei 6/2017.
A seguir, defínense expresamente os criterios de valoración das propostas, tendo en conta que a valoración máxima de cada proposta serían 100 puntos e que, en caso de igualdade de puntuación, se terá en conta a orde na presentación:
– Actividades que se van desenvolver no título: valorarase cada actividade, con carácter incremental ata 50 puntos.
• 10 puntos sobre 100 almacenaxe/depósito/loxística: mercadoría se non é movida por vía marítima, pero con relación coa actividade portuaria e/ou embarcacións.
• 10 puntos sobre 100 Venda de material náutico, pesca e efectos navais.
• 10 puntos sobre 100 Venda de embarcacións.
• 10 puntos sobre 100 Reparación de embarcacións/buques e mecánica naval.
• 10 puntos sobre 100 Industria conserveira.
• 6 puntos sobre 100 Locais, oficinas e desde sedes de clubs, confrarías, asociacións ou empresas vinculadas á actividade portuaria.
• 2 puntos sobre 100 Formación e ensinanzas náutico-pesqueira.
• 2 puntos sobre 100 Outros usos complementarios da actividade portuaria diferente das anteriores, sempre que se cumpra o DEUP da Pobra do Caramiñal.
– Investimento: valorarase con 30 puntos sobre 100, outorgando a máxima puntuación á proposta co máximo valor. A valoración será de 0 puntos á proposta con menor valor, o máximo número de puntos á proposta con maior valor e interpolando de maneira lineal o resto delas.
– Eficiencia enerxética: valorarase con 15 puntos sobre 100, outorgando a máxima puntuación a aquelas propostas que xustifiquen os maiores aforros enerxéricos. Para a valoración do resto de propostas, interpolarase linealmente en función dos aforros enerxéticos propostos, ata 0 puntos ás propostas que non propoñan aforros enerxéticos.
– Explotación e coordinación co resto de operacións portuarias: valorarase con 5 puntos sobre 100, outorgando a máxima puntuación a aquelas propostas que xustifiquen adecuadamente que desenvolverán actividades na zona de servizo do porto que presten servizo, supoñan sinerxías ou demanden servizos doutros usuarios ou industrias existentes do porto. A valoración será de 5 puntos a aquelas que supoñan sinerxías e 0 puntos ás propostas que non supoñan sinerxías.
As solicitudes poderán presentarse mediante o formulario PR004A da sede electrónica da Xunta de Galicia, dirixidas á Área de Explotación e Planificación. O plano de localización da concesión solicitada encóntrase á disposición do público para o seu exame na páxina web www.portosdegalicia.gal, na epígrafe de «Comunicacións e avisos» e dentro de «Procesos de información pública».
Santiago de Compostela, 15 de maio de 2023
Susana Lenguas Gil
Presidenta de Portos de Galicia