Mediante a resolución da Dirección Xeral de Recursos Humanos do Servizo Galego de Saúde, do 15 de marzo de 2023 (Diario Oficial de Galicia núm. 60, do 27 de marzo), habilitouse o prazo dun mes para que os/as aspirantes seleccionados/as no proceso selectivo para o ingreso na categoría de condutor/a, convocado pola Resolución do 18 de xuño de 2021 (Diario Oficial de Galicia núm. 126, do 5 de xullo), presentasen a documentación acreditativa do cumprimento dos requisitos da convocatoria.

A base novena da Resolución do 18 de xuño de 2021 (Diario Oficial de Galicia núm. 126, do 5 de xullo), de convocatoria do proceso, dispón que os/as aspirantes que dentro do prazo fixado non presentasen a documentación ou do exame dela se deducise que carecen dalgún dos requisitos para participar no presente proceso selectivo, non poderán ser nomeados/as persoal estatutario fixo e quedarán anuladas as súas actuacións.

A mesma base establece que, comprobada a documentación, de todos/as os/as aspirantes aprobados/as, a Dirección Xeral de Recursos Humanos publicará no Diario Oficial de Galicia a relación de aspirantes definitivamente seleccionados/das, as prazas que se lles oferten e o procedemento e prazo para que estes/as manifesten a súa opción polos destinos ofertados.

En virtude do exposto, comprobada a documentación dos/das aspirantes e finalizados os prazos de impugnación administrativa contra a Resolución do 15 de marzo de 2023, pola que se fan públicos os acordos dos tribunais da categoría de condutor, relativos á baremación definitiva da fase de concurso, esta dirección, como órgano convocante do proceso,

RESOLVE:

Primeiro. En cumprimento da base 9.2 da resolución da Dirección Xeral de Recursos Humanos, do 18 de xuño de 2021 (Diario Oficial de Galicia núm. 126, do 5 de xullo), pola que se convoca concurso-oposición para o ingreso na categoría de condutor/a, excluír deste proceso selectivo a José Antonio Balseiro Pérez, con DNI ***8666**, aspirante da quenda de promoción interna, por non presentar dentro do prazo fixado a documentación preceptiva exixida.

Segundo. Declarar como aspirante seleccionado, na categoría de condutor, por esta mesma quenda, a Alfonso Sarabia Bardanca, con DNI ***6175**, despois de ter aportado a documentación exixida na base 9.1 da Resolución do 18 de xuño de 2021, de convocatoria do proceso.

Terceiro. Publicar como anexo I a relación de aspirantes definitivamente seleccionados/das no concurso-oposición para o ingreso na categoría de condutor/a, segundo a orde que, en aplicación das bases da convocatoria, deberá seguirse para os efectos da adxudicación de destino.

Cuarto. Aprobar a relación de destinos que se ofertan aos/ás aspirantes seleccionados/as neste proceso, que figura como anexo II da presente resolución.

Quinto. Abrir un prazo de dez días hábiles contados a partir do seguinte ao desta publicación para que os/as aspirantes que constan no anexo I desta resolución seleccionen telematicamente, a través do sistema de información Fides/expedient-e, os destinos ofertados por orde de prelación

No procedemento de selección de destinos resultarán de aplicación as bases aprobadas por Resolución do 28 de maio de 2020 (Diario Oficial de Galicia núm. 109, do 5 de xuño).

Os/as aspirantes que, no prazo indicado e conforme o procedemento establecido, non seleccionen ningún destino ou non resulten adxudicatarios/as de ningún polo que optasen, non poderán ser nomeados/as persoal estatutario fixo e quedarán sen efecto todas as súas actuacións neste proceso.

Sexto. Contra a presente resolución, que pon fin á vía administrativa, poderase interpoñer recurso potestativo de reposición ante este órgano directivo, no prazo dun mes a partir do día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou poderase impugnar directamente na xurisdición contencioso-administrativa nos termos da Lei 29/1998, do 13 de xullo.

Santiago de Compostela, 15 de maio de 2023

Ana María Comesaña Álvarez
Directora xeral de Recursos Humanos

ANEXO I

Relación de aspirantes definitivamente seleccionados/das

Condutor
Nº orde	DNI	Apelidos e nome	Acceso	Nota OPE	Formación	Experiencia	Total
1	***9745**	Sánchez Balsa, José Alejandro	PI	53,250	12,000	17,650	82,900
2	***6263**	Ferreiro Santos, Santiago	PI	51,875	12,000	16,230	80,105
3	***7505**	García Iglesias, Fernando	PI	37,500	12,000	27,070	76,570
4	***6682**	Paz Santos, Juan Carlos	PI	50,500	7,920	16,890	75,310
5	***4240**	Domínguez Mota, Francisco Javier	PI	41,375	12,000	18,800	72,175
6	***6175**	Sarabia Bardanca, Alfonso	PI	52,125	7,440	9,840	69,405
7	***7342**	López Castro, María Luz	LI	52,125	12,000	21,800	85,925
8	***1382**	Gómez Botana, Jesús Manuel	LI	47,875	12,000	26,000	85,875
9	***8217**	Rodríguez Vilabrille, Pablo	LI	47,625	12,000	25,000	84,625
10	***4731**	Torres Martínez, José Antonio	LI	47,625	12,000	22,200	81,825
11	***9865**	Rodríguez Martínez, Plácido	LI	53,500	12,000	12,800	78,300
12	***0706**	Garrido Ogando, Marcos	DI	42,125	12,000	8,650	62,775

Acceso: DI: discapacidade xeral; LI: libre; PI: promoción interna.

(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.

ANEXO II

Relación de destinos ofertados

Condutor/a

Centro directivo	Centro/s	Quenda	Concello	Núm. prazas
A.S. da Coruña e Cee	A.S. da Coruña e Cee	-	A Coruña	3
A.S. da Coruña e Cee	PAC A Coruña	-	A Coruña	1
A.S. de Ferrol	A.S. de Ferrol	-	Ferrol	1
A.S. de Santiago de Compostela e Barbanza	A.S. de Santiago de Compostela e Barbanza	-	Santiago de Compostela	1
A.S. de Pontevedra e O Salnés	A.S. de Pontevedra e O Salnés	-	Pontevedra	1
A.S. de Vigo	A.S. de Vigo	-	Vigo	2
A.S. de Vigo	PAC Vigo	-	Vigo	2
Axencia Galega de Sangue, Órganos e Tecidos-ADOS	Axencia Galega de Sangue, Órganos e Tecidos-ADOS-Ourense	-	Ourense	1