Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado (BOE) resulta preceptiva cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar, mediante o presente anuncio infórmase ás persoas interesadas, que se relacionan no cadro anexo que máis abaixo se detalla, do proxecto de produción de hidróxeno renovable H2POLE, no concello das Pontes de García Rodríguez, declarado proxecto industrial estratéxico (PIE) por Acordo do Consello da Xunta de Galicia do 8 de setembro de 2022, e publicado no Diario Oficial de Galicia (DOG) do 3 de abril de 2023.

As persoas interesadas disporán dun prazo de quince (15) días, a partir da publicación deste anuncio no Boletín Oficial del Estado, para formular as alegacións ou observacións que consideren oportunas.

O contido íntegro do dito proxecto pode consultarse na páxina web da Vicepresidencia Primeira e Consellería de Economía, Industria e Innovación, a través da seguinte ligazón: https://economia.xunta.gal/transparencia/informacion-publica/pie/h2pole

Transcorrido o prazo de quince (15) días sen comparecer, a notificación do acto obxecto desta publicación entenderase producida desde o día seguinte ao da súa publicación no taboleiro de edictos único (TEU) do Boletín Oficial del Estado.

Santiago de Compostela, 16 de maio de 2023

Paula Mª Uría Traba
Secretaria xeral de Industria

ANEXO

Expediente: proxecto industrial estratéxico (PIE_01).

Entidade promotora: H2POLE, S.L.

Proxecto: produción de hidróxeno renovable H2POLE.

Concello: As Pontes de García Rodríguez (A Coruña).

Hidroxenoduto á rede básica de gas natural.

Persoa interesada proposta	Ref. catastral	Polígono	Parcela	Municipio	Superficie total do predio (m2)	Lonxitude (m)	Pleno dominio	Servidume permanente (m2)	Servidume temporal (m2)
Rosenda Caaveiro López	15071A04308008	43	8008	As Pontes de García Rodríguez	33.442	127	-	508	766
Herdeiros de Baltasar Tenreiro Antón	15071A50100006	501	6	As Pontes de García Rodríguez	13.126	93	4.150	372	588

Liña de alta tensión (LAT) alternativa cara a SET Puentes G.R. 400 kV.

Persoa interesada proposta	Ref. catastral	Polígono	Parcela	Municipio	Superficie total do predio (m2)	Lonxitude (m)	Pleno dominio	Servidume permanente (m2)	Servidume temporal (m2)
Rosenda Caaveiro López	15071A04308008	43	8008	As Pontes de García Rodríguez	33.442	36,3	4.326,5	273,3	108,1