O Pleno do Concello, en sesión do 19 de abril de 2023, adoptou o seguinte acordo:
1º. Aprobar definitivamente o estudo de detalle para completar a aliñación do solo urbano consolidado (UC1) de Bastavales, presentado por Jesús Chaves Rivas, que actúa en representación de Servipro Consultores, S.L., o 30.1.2023 (r.e. 202399900000110), cuxo promotor é Pablo Vázquez Villar, e asinado polo arquitecto Alfredo Varela Nogueira o 30.1.2023, nas parcelas con referencia catastral 7918905NH2471N0001GS e 7918916NH2471N0001KS, situadas en Sabaxáns, Bastavales.
2º. Este acordo notificarase persoalmente aos interesados e publicarase no Diario Oficial de Galicia. Unha vez publicado o acordo no Diario Oficial de Galicia, remitirase á Consellería de Medio Ambiente e Ordenación do Territorio a documentación exixida polo artigo 88.3 da Lei 2/2016, do 10 de febreiro, do solo de Galicia, para os efectos de inscribir o estudo de detalle no Rexistro de Ordenación do Territorio e Planeamento Urbanístico de Galicia. Logo de que conste a inscrición no Rexistro, publicarase a normativa no Boletín Oficial da provincia, consonte o establecido nos artigos 199.4, 209.1, 212.2 e 215 do Decreto 143/2016, do 22 de setembro, do regulamento de desenvolvemento da Lei 2/2016.
Contra ese acordo poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.
Brión, 2 de maio de 2023
Pablo Lago Sanmartín
Alcalde