O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (Boletín Oficial del Estado núm. 316, do 31 de decembro), regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (Boletín Oficial del Estado núm. 251, de 19 de outubro), regulan o procedemento de revisión das autorizacións ambientais integradas.
Para os efectos previstos no artigo 15.5.a) do Real decreto 815/2013, do 18 de outubro, sométese á información pública, durante un período de 20 días hábiles contados a partir do día seguinte ao da publicación deste anuncio no Diario Oficial de Galicia, o documento titulado Descrición e alcance da actividade (capacidade e grao de utilización) e descrición das instalacións, dos procesos e do tipo de produto, para que calquera persoa interesada poida consultalo e, de ser o caso, presentar dentro do citado prazo as alegacións, suxestións ou observacións que considere convenientes.
Os documentos estarán á disposición dos administrados nas dependencias da Dirección Xeral de Calidade Ambiental, Sostibilidade e Cambio Climático, no Servizo de Prevención e Control Integrados da Contaminación, en horario de atención ao público (rúa de San Lázaro s/n, Santiago de Compostela).
Ademais tamén se poderá consultar na páxina web da Consellería de Medio Ambiente, Territorio e Vivenda (https://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
As alegacións, suxestións ou observacións dirixiranse ao Servizo de Prevención e Control Integrados da Contaminación.
Santiago de Compostela, 16 de xuño de 2022
María Sagrario Pérez Castellanos
Directora xeral de Calidade Ambiental, Sostibilidade
e Cambio Climático
ANEXO
Expediente: 2020-IPPC-M-36.
Núm. da autorización ambiental integrada: 2006/0390_NAA/IPPC.
Categoría principal da actividade: anexo I, categoría 9.1.b.i) do Real decreto lexislativo 1/2016, do 16 de decembro.
Titular: Pescanova España, S.L.
NIF: B94123916.
Localización da instalación: polígono industrial das Gándaras, 36400 O Porriño (Pontevedra).
Referencia catastral da parcela: 1135005NG3613S0001BF.
Actividade principal: elaboración de produtos precociñados.
Descrición: a planta de Pescanova España, S.L. ten por actividade principal a elaboración de produtos precociñados. As instalacións ocupan unha parcela de aproximadamente 23.322 m² no polígono industrial das Gándaras, no concello do Porriño (Pontevedra).
A empresa dispón na actualidade de cinco liñas de produción operativas nas cales se elabora unha gama de 100 familias de produtos precociñados, rebozados e empanados que se engloban nas seguintes:
– Forma de aneis conxelados.
– Forma de aneis rebozados e/ou empanados prefritidos e ultraconxelados.
– Peixe cortado, rebozado ou empanado prefritido ou non prefritido u ultraconxelado.
– Peixe picado e formado, rebozado ou empanado prefritido ou non prefritido e ultraconxelado.
– Peixe cortado e formado, rebozado ou empanado prefritido ou non prefritido e ultraconxelado.
Debido á grande variabilidade de produtos que se elaboran e á necesidade de que as liñas de produción poidan absorber o deseño de novos produtos, a excepción dos túneles de conxelación, que son fixos, toda a maquinaria é móbil e adaptable en función das necesidades produtivas do momento.
