Visto o expediente para outorgamento da autorización administrativa previa e de construción da instalación eléctrica que a continuación se describe:

Peticionario: UFD Distribución Electricidad, S.A.

Domicilio social: rúa A Batundeira, nº 2, Velle, Ourense.

Denominación: instalación de interruptor TC na LMTA CHA811 no apoio nº D110-1 (O Saviñao).

Situación: concello do Saviñao.

Características técnicas principais:

• LMTA CHA811 (expediente 175/2016-REG), con orixe no apoio D110 existente e final no apoio D110-2 proxectado tipo C-1000-18, cunha lonxitude de 384 metros de condutor tipo LA-56. Tamén se substitúe o apoio D110-1 tipo HV-13/400 por un apoio de celosía tipo C-2000-16, no cal se instala un interruptor telecontrolado.

Finalidade da instalación: mellora de instalación.

Orzamento: 21.862,31 euros.

Documentación que se xunta:

• Separata para o Concello do Saviñao.

• Separata para a Confederación Hidrográfica Miño-Sil.

Esta xefatura territorial, de acordo coas competencias que resultan do Decreto 116/2022, do 23 de xuño, polo que se establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción ás ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionado ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución e a dirección de obra deberá ser realizada por técnico competente.

Segunda. O peticionario asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento se deberán cumprir as normativas e directrices vixentes que sexan de aplicación, en particular, canto establece a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas da alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que considere pertinente o seu dereito.

Lugo, 18 de maio de 2023

Gustavo José Casasola de Cabo
Xefe territorial de Lugo